పది సినిమాలు చేస్తే ఒకే ఒక్కటి హిట్.. పాపం బ్యాడ్ లక్
అను ఇమ్మాన్యుయేల్ తెలుగులో 9 సినిమాల్లో హీరోయిన్గా నటిస్తే, కేవలం ఒకే సినిమాతో మంచి విజయాన్ని సొంతం చేసుకుంది.
దిశ, వెబ్ డెస్క్ : సినిమా ఇండస్ట్రీలో హీరోలతో పోలిస్తే హీరోయిన్ల కెరీర్ చాలా తక్కువగా ఉంటుంది. ఇండస్ట్రీలోకి ఎంట్రీ ఇచ్చిన తర్వాత హీరోయిన్లకు మంచి విజయాలు దక్కుతూ వెళితే చాలా సంవత్సరాల పాటు వారు మంచి దశలో కొనసాగుతారు. అదే వరుస పెట్టి అపజయాలను అందుకున్నట్లయితే చాలా తక్కువ టైంలోనే బ్యూటీలు కనుమరుగవుతారు. కానీ కొంతమందికి మాత్రం వరుస పెట్టి ఫ్లాప్స్ వచ్చిన క్రేజీ సినిమాలలో అవకాశాలను దక్కించుకుంటూ ముందుకు సాగుతుంటారు, అలాంటి వారిలో అను ఇమ్మాన్యుయేల్ ఒకరు.
ఈ ముద్దుగుమ్మ ఇప్పటివరకు తెలుగులో చాలా సినిమాల్లో నటించింది. కానీ ఈమెకు ఒకే ఒక్క సినిమాతో మంచి విజయం దక్కింది. అయినా కూడా ఈ హీరోయిన్కి వరుస పెట్టి అవకాశాలు దక్కుతూనే ఉన్నాయి. అను ఇమ్మాన్యుయేల్ 2016లో విడుదల అయిన మజ్ను అనే మూవీతో టాలీవుడ్ ఇండస్ట్రీలోకి ఎంట్రీ ఇచ్చి సక్సెస్ను, గుర్తింపును దక్కించుకుంది. ఆ తర్వాత ఈమె కిట్టు ఉన్నాడు జాగ్రత్త, ఆక్సిజన్, అజ్ఞాతవాసి, నా పేరు సూర్య నా ఇల్లు ఇండియా, శైలజ రెడ్డి అల్లుడు, అల్లుడు అదుర్స్, మహాసముద్రం, ఊర్వశివో రాక్షసివో అనే తెలుగు సినిమాల్లో నటించింది.
ఈ సినిమాల్లో చాలా వరకు మూవీలు బాక్స్ ఆఫీస్ దగ్గర బోల్తా కొట్టాయి. ఈ బ్యూటీ ఇప్పటివరకు తెలుగులో చాలా సినిమాల్లో నటిస్తే మజ్ను సినిమా ద్వారానే ఈమెకు మంచి విజయం దక్కింది. ఆ తర్వాత ఊర్వశివో రాక్షసివో కాస్త పర్వాలేదు అనే స్థాయి విజయాన్ని సొంతం చేసుకుంది. ఈ నటికి ఇన్ని ఫ్లాప్స్ వచ్చినా క్రేజీ సినిమాల్లో ఛాన్సెస్ దక్కుతున్నాయి.
