లోకేష్ కనగరాజ్ సినిమాటిక్ యూనివర్స్లోకి మరో స్టార్ హీరో ఎంట్రీ.. వైరల్గా మారిన ట్వీట్
మల్టీ టాలెంటెడ్గా తనకంటూ స్పెషల్ గుర్తింపు తెచ్చుకున్న ఫేమస్ హీరో రాఘవా లారెన్స్(Raghava Lawrence).. ప్రస్తుతం బ్యాక్ టు బ్యాక్ సినిమాలు చేస్తూ సందడి చేస్తున్నారు.
దిశ, సినిమా: మల్టీ టాలెంటెడ్గా తనకంటూ స్పెషల్ గుర్తింపు తెచ్చుకున్న ఫేమస్ హీరో రాఘవా లారెన్స్(Raghava Lawrence).. ప్రస్తుతం బ్యాక్ టు బ్యాక్ సినిమాలు చేస్తూ సందడి చేస్తున్నారు. ఈ క్రమంలోనే ఈయన నటిస్తున్న లేటెస్ట్ మూవీ ‘BENZ’. ఈ సినిమాకు లోకేష్ కనగరాజ్ (Lokesh Kanagaraj) దర్శకత్వం వహిస్తుండగా.. మూవీ అనౌన్స్మెంట్ వీడియోతో హైప్ పెంచేశాడు. అంతే కాకుండా.. ‘ఒక కారణం ఉన్న యోధుడు అత్యంత ప్రమాదకరమైన సైనికుడు’ అనే క్యాప్షన్ ఇచ్చి షేర్ చేసిన ఈ ఫస్ట్ లుక్ వీడియో ప్రేక్షకుల్లో మంచి అంచనాలు క్రియేట్ చేసింది.
ఇదిలా ఉంటే.. ఈ సినిమా అనౌన్స్ చేసి నెలలు గడుస్తున్నప్పటికీ షూటింగ్ అప్డేట్, నటీనటుల వివరాలు కానీ తెలియజేయలేదు. మూవీ యూనిట్ దీంతో రాఘవ లారెన్స్ ఫ్యాన్స్ కాస్త నిరుత్సహం వ్యక్తం చేస్తున్నారు. ఇందులో భాగంగానే తాజాగా ఈ సినిమా నుంచి ఓ అప్డేట్ వచ్చింది. ఈ సినిమాలో మలయాళ స్టార్ హీరో నివిన్ పౌలీ (Nivin Pauly) కూడా ప్రధాన పాత్రలో నటిస్తున్నట్లు అనౌన్స్మెంట్ వచ్చింది. ఈ మేరకు ‘నివిన్పౌలీ లోకేష్ సినిమాటిక్ యూనివర్స్లోకి అడుగుపెడుతున్నారు! రాఘవ లారెన్స్తో కలిసి బెంజ్లో కీలక పాత్ర పోషించబోతున్నారు’ అంటూ ఓ ట్వీట్ సోషల్ మీడియాలో వైరల్గా మారడంతో ఫ్యాన్స్ ఆనందం వ్యక్తం చేస్తున్నారు.
