ఎక్కడా తగ్గని అనిల్ రావిపూడి.. హీరోయిన్లతో కొత్త ప్రమోషన్ స్ట్రాటజీ

దిశ, వెబ్ డెస్క్: తెలుగు సినిమా పరిశ్రమలో ప్రమోషన్లతో ప్రేక్షకుల దృష్టిని ఆకర్షించే దర్శకుల్లో అనిల్ రావిపూడి ఒకరు. ఆయన సినిమా షూటింగ్ ప్రారంభం కాకముందే వినూత్న ప్రమోషన్లకు శ్రీకారం చుడుతూ ఉంటారు. దీంతో ఆయన సినిమాలపై ప్రేక్షకుల్లో మంచి అంచనాలు ఏర్పడుతుంటాయి. తాజాగా విక్టరీ వెంకటేష్, నందమూరి కళ్యాణ్ రామ్ హీరోలుగా, కీర్తి సురేష్, కృతి శెట్టి హీరోయిన్లుగా నటిస్తున్న కొత్త సినిమాను అధికారికంగా ప్రారంభించారు. ఈ సినిమా లాంఛనంగా ప్రారంభం కాకముందే సంగీత దర్శకుడు జీవీ ప్రకాష్ కుమార్, గేయరచయిత అనంత శ్రీరామ్‌లతో కలిసి అనిల్ రావిపూడి ఓ ప్రత్యేక ప్రమోషనల్ వీడియోను రూపొందించారు.

ఆ వీడియో ప్రేక్షకులను ఆకట్టుకోవడంతో సినిమాపై అంచనాలు మరింత పెరిగాయి. ఇక తాజాగా మరో ప్రమోషనల్ వీడియోను కూడా అనిల్ రావిపూడి సిద్ధం చేసినట్లు సమాచారం. ఈసారి సినిమాలో హీరోయిన్లుగా నటిస్తున్న కీర్తి సురేష్, కృతి శెట్టిలతో కలిసి ఓ ఆసక్తికరమైన వీడియోను రూపొందించినట్లు తెలుస్తోంది. సినిమా కంటెంట్‌ను వినోదాత్మకంగా ప్రేక్షకులకు చేరవేయాలనే ఉద్దేశంతో ఈ ప్రమోషన్ ప్లాన్ చేసినట్లు టాక్ వినిపిస్తోంది. అనిల్ రావిపూడి ప్రమోషన్లు సాధారణంగా హాస్యభరితంగా, ఆకట్టుకునేలా ఉంటాయి. దీంతో ఈసారి హీరోయిన్లతో కలిసి ఆయన ఎలాంటి వినూత్న ప్రమోషనల్ కంటెంట్‌ను సిద్ధం చేశారనే ఆసక్తి ఇండస్ట్రీ వర్గాల్లో నెలకొంది.