Ajay Devgan: సర్దార్ మళ్లీ వస్తున్నాడు.. పవర్ ఫుల్ పోస్టర్ రిలీజ్ చేసిన స్టార్ హీరో

దిశ, సినిమా: బాలీవుడ్ స్టార్ హీరో అజయ్ దేవగన్ (Ajay Devgan) నటించిన ‘సన్ఆఫ్ సర్దార్’ ఎలాంటి హిట్ అందుకుందో అందరికి తెలిసిందే. అశ్విని ధీర్ దర్శకత్వం వహించిన ఈ మూవీ2012లో వచ్చి మంచి సక్సెస్ అందుకుంది. ఇప్పుడు ఇనాళ్లకు ఈ సినిమాకు సీక్వెల్ రాబోతున్నట్లు అఫీషియల్ అనౌన్స్‌మెంట్ వచ్చిన విషయం తెలిసిందే. ‘సన్ ఆఫ్ సర్దార్-2’ అనే టైటిల్‌తో తెరకెక్కుతోన్న సీక్వెల్‌లో అజయ్ దేవగన్ హీరోగా నటిస్తుండగా.. యంగ్ బ్యూటీ మృణాల్ ఠాకూర్ హీరోయిన్‌గా నటిస్తుంది.

దీనికి విజయ్ కుమార్ అరోరా దర్శకత్వం వహిస్తుండగా.. దేవ్‌గణ్ ఫిల్మ్స్, జియో స్టూడియోస్ బ్యానర్‌పై ఈ చిత్రాన్ని జ్యోతి దేశ్‌పాండే, అజయ్ నిర్మిస్తున్నారు. యాక్షన్ కామెడీ నేపథ్యంలో రాబోతున్న ఈ మూవీలో సంజయ్ దత్, సాహిల్ మెహతా, సంజయ్ మిశ్రా, రవికృష్ణ కీలక పాత్రలో కనిపించనున్నారు. షూటింగ్ శరవేగంగా జరుపుకుంటున్న ఈ సినిమా నుంచి తాజాగా ఓ పవర్ ఫుల్ పోస్టర్ రిలీజ్ చేశాడు అజయ్ దేవగన్. ‘సర్దార్ మళ్లీ వస్తున్నాడు’ అనే క్యాప్షన్ ఇచ్చి షేర్ చేసిన ఈ పోస్టర్‌లో రెండు యుద్ధ ట్యాంక్స్ ఉండగా.. వాటిపై నిలబడి పౌరుషంగా మీసం మెలేస్తున్నట్లు చూపించి అజయ్ దేవగన్ లుక్‌కు ఫ్యాన్స్ ఫిదా అవుతున్నారు. కాగా.. చిత్రం భారీ అంచనాల మధ్య జూలై 25న ప్రపంచవ్యాప్తంగా గ్రాండ్ థియేట్రికల్ రిలీజ్‌కు సిద్ధంగా ఉంది.