టాలీవుడ్ ఇండస్ట్రీలో తీవ్ర విషాదం.. సీనియర్ నటుడు కన్నుమూత

దిశ, వె‌బ్‌డెస్క్: తెలుగు చలనచిత్ర పరిశ్రమలో మరో తీవ్ర విషాదం చోటుచేసుకుంది. ప్రముఖ సినీనటుడు, టీవీ ఆర్టిస్ట్ అల్లం గోపాలరావు (Allam Gopala Rao) (75) ఇవాళ ఉదయం 8 గంటలకు హైదరాబాద్‌ (Hyderabad)లోని ఆయన నివాసంలో తీవ్ర అనారోగ్యంతో కన్నుమూశారు. ఆయనకు భార్య విమల, ఇద్దరు కుమారులు అనిల్, సునీల్ ఉన్నారు. పెద్ద కుమారుడు అనిల్ సీరియల్స్‌తో పాటు సినిమాల్లో కూడా నటిస్తున్నారు. గోపాలరావు అంత్యక్రియలు ఇవాళ సాయంత్రం మహా ప్రస్థానంలో జరగనున్నట్లుగా కుటుంబ సభ్యులు, బంధువులు తెలిపారు. ఆయన మరణ వార్త తెలుసుకున్న పలువురు సినీ ప్రముఖులు ఆయన నివాసానికి వెళ్లి నివాళులర్పించారు. అదేవిధంగా ఫిల్మ్‌నగర్ కల్చరల్ సెంటర్ (FNCC) మేనేజ్మెంట్ కమిటీ కూడా గోపాలరావు మృతి పట్ల ఆయన కుటుంబ సభ్యులకు ప్రగాఢ సంతాపాన్ని తెలియజేసింది.