60 ఏళ్ల నటుడితో రొమాన్స్ చేయబోతున్న 21ఏళ్ల యంగ్ హీరోయిన్.. హాట్ టాపిక్గా మారిన మేకర్స్ ప్రకటన
విక్రమ్కు ఇప్పుడు దాదాపు 60 ఏళ్లు, రియా శింబుకు కేవలం 21 ఏళ్లు మాత్రమే. వీరిద్దరి మధ్య దాదాపు 39 ఏళ్ల ఏజ్ గ్యాప్ ఉండటంతో, ఇంత చిన్న అమ్మాయితో విక్రమ్ రొమాన్స్ చేయడం ఏంటని కొందరు నెటిజన్లు విమర్శలు చేస్తున్నారు.
దిశ, సినిమా: కోలీవుడ్ వర్సటైల్ యాక్టర్ చియాన్ విక్రమ్ తన 63వ సినిమాతో మరోసారి బాక్సాఫీస్ వద్ద సంచలనం సృష్టించేందుకు సిద్ధమవుతున్నారు. ఆనంద్ శంకర్ దర్శకత్వంలో సత్యజ్యోతి ఫిలిమ్స్ నిర్మిస్తున్న ఈ భారీ యాక్షన్ థ్రిల్లర్ త్వరలోనే పట్టాలెక్కనుంది. అయితే ఇందులో రియా శింబు కీలక పాత్రలో నటిస్తుందంటూ రకరకాల వార్తలు వస్తున్నాయి. తాజాగా, వాటన్నింటికీ ఫుల్ స్టాప్ పెడుతూ చిత్రబృందం ఒక అదిరిపోయే అనౌన్స్మెంట్ ఇచ్చింది. ‘చియాన్-63’లో రియా హీరోయిన్గా నటిస్తోందని అధికారికంగా ప్రకటించి అందరినీ సర్ప్రైజ్ చేశారు. "మంటకు ఆజ్యం పోయడం" అనే పవర్ఫుల్ క్యాప్షన్తో పాటు ఫైరింగ్ ఎమోజీని జత చేస్తూ ఆమెను ఆహ్వానించారు. దీనిని బట్టి ఈ సినిమాలో ఆమె పాత్ర చాలా హాట్గా, పవర్ఫుల్గా ఉండబోతోందని అర్థమవుతోంది. ఇక ఈ విషయం తెలుసుకున్న నెటిజన్లు రకరకాలుగా చర్చించుకుంటున్నారు. విక్రమ్కు ఇప్పుడు దాదాపు 60 ఏళ్లు, రియా శింబుకు కేవలం 21 ఏళ్లు మాత్రమే.
వీరిద్దరి మధ్య దాదాపు 39 ఏళ్ల ఏజ్ గ్యాప్ ఉండటంతో, ఇంత చిన్న అమ్మాయితో విక్రమ్ రొమాన్స్ చేయడం ఏంటని కొందరు నెటిజన్లు విమర్శలు చేస్తున్నారు. తండ్రీకూతుళ్ల వయసున్న వీరిద్దరు హీరో,హీరోయిన్గా నటించడం ఏంటి? అంటూ ట్రోల్స్ చేస్తుంటే, విక్రమ్ ఫ్యాన్స్ మాత్రం మా హీరో గ్లామర్కు వయసుతో పనిలేదు అని కౌంటర్ ఇస్తున్నారు. మొత్తానికి ఈ కాంబినేషన్ ఇప్పుడు కోలీవుడ్లో హాట్ టాపిక్గా మారింది. కాగా.. ఈ సినిమా రెగ్యులర్ షూటింగ్ జూన్ మొదటి వారంలో ప్రారంభం కానుంది. ఈ ప్రాజెక్ట్ కోసం విక్రమ్ దాదాపు 50 నుంచి 60 రోజుల కాల్ షీట్స్ కేటాయించినట్లు తెలుస్తోంది. చెన్నై, దాని పరిసర ప్రాంతాల్లోనే చిత్రీకరణ జరగనున్నట్లు టాక్. ఆనంద్ శంకర్ - విక్రమ్ కాంబోలో గతంలో వచ్చిన ‘ఇంకొక్కడు’ మంచి విజయాన్ని సాధించడంతో, ఈ యాక్షన్ థ్రిల్లర్పై భారీ అంచనాలు నెలకొన్నాయి.
