సస్పెన్స్, క్రైమ్, థ్రిల్లర్ అంశాలతో ‘12A రైల్వే కాలనీ’ ట్రైలర్.. బ్లాక్ బస్టర్ లోడింగ్ అంటున్న నెటిజన్లు

దిశ, సినిమా: అల్లరి నరేష్ అప్ కమింగ్ థ్రిల్లర్ ‘12A రైల్వే కాలనీ’ నుంచి తాజాగా ట్రైలర్ రిలీజ్ చేసి.. సినీ లవర్స్‌కు బిగ్ సర్‌ప్రైజ్ ఇచ్చారు మేకర్స్. దాదాపు 1:50 నిమిషాలు ఉన్న ఈ ట్రైలర్ ప్రతీ షాట్ ఎక్స్‌ట్రార్డినరీగా అనిపించింది. సస్పెన్స్, క్రైమ్, థ్రిల్లర్ అంశాలతో ట్రైలర్‌ను చాలా గ్రిప్పింగ్‌గా కట్ చేశారు మేకర్స్. రైల్వే కాలనీలో జరిగే ఓ రహస్యమైన కేసు ఇన్వెస్టిగేషన్ చుట్టూ కథ అల్లుకున్నట్లు అర్థమవుతోండగా.. ఈ ట్రైలర్‌తో సినిమాపై ఎక్స్‌పెక్టేషన్స్ మరింత పెరిగాయి.

దీంతో ట్రైలర్ క్షణాల్లో వైరల్ కావడంతో.. ‘సూపర్ థ్రిల్లర్ ట్రైలర్.. బ్లాక్ బస్టర్ లోడింగ్’ అంటూ కామెంట్స్ పెడుతున్నారు నెటిజన్లు. కాగా.. టాలీవుడ్‌లో వచ్చిన బెస్ట్ థ్రిల్లర్ మూవీస్ పోలిమేర, పోలిమేర 2 సినిమాలకు కథనందించిన రైటర్ అనీల్ విశ్వనాథ్ ఈ చిత్రానికి కూడా కథ ఇవ్వడంతో.. ఈ సినిమాపై కూడా మంచి ఎక్స్‌పెక్టేషన్స్ క్రియేట్ అయ్యాయి. నవంబర్ 21న థియేటర్లలో విడుదల కానున్న ఈ చిత్రంతో నూతన దర్శకుడు నాని కాసరగడ్డ ఇండస్ట్రీకి పరిచయం కాబోతున్నాడు. శ్రీనివాసా సిల్వర్ స్క్రీన్ బ్యానర్‌పై శ్రీనివాసా చిట్టూరి నిర్మించారు.