చంద్రాపూర్‌లో ఖాళీ బిందెలతో నిరసన

దిశ, మెదక్ : సిద్దిపేట జిల్లా చిన్నకోడూర్ మండలం చంద్రాపూర్ గ్రామంలో రెండు రోజులుగా నల్లా నీళ్లు రాకపోవడంతో ప్రజలు రోడ్డుపై బైఠాయించి నిరసన తెలిపారు. గ్రామంలో బోర్లు ఉన్నప్పటికీ చాలాకాలంగా అవి పని చేయటం లేదు. స్థానిక ముదిరాజ్ కాలనీలోని బోరు 5 నెలల క్రితం మరమ్మత్తు కోసం తీసుకెళ్లి మళ్ళీ బిగించటం మరిచిపోయారు. నల్లా రాకపోవడంతో వాటర్ ట్యాంకర్ ద్వారా తాత్కాలికంగా ఏర్పాటు చేసినా ఆ నీళ్లు ఎవరికీ సరిపోవటం లేదు. ఈక్రమంలో గత రెండు రోజులుగా వచ్చే నీళ్లు కూడా రావటం లేదు. దీంతో విసుగు చెందిన గ్రామస్తులు ఖాళీ బిందెలతో రోడ్డుపై బైఠాయించారు.