రైతుల ఆందోళనపై వెనక్కి తగ్గిన కేంద్రం

దిశ,వెబ్‌డెస్క్: నూతన వ్యవసాయ చట్టాలపై రైతులు ఆందోళన చేస్తున్న విషయం తెలిసిందే. అయితే వారిని నిలువరించేందుకు పోలీసులు భద్రతా చర్యలు తీసుకున్నారు. ఢిల్లీ సరిహద్దు ప్రాంతాల్లో మేకులు, పెద్ద ఇనుప బారికేడ్లను ఏర్పాటు చేశారు. అంతేకాదు రహదారి మధ్యలో కాంక్రీట్​​ పోతపోసి అందులో పదునైన ఇనుప మేకులను అమర్చారు. అయితే ఆ మేకుల ఏర్పాటుపై దేశ ప్రజలనుంచి వ్యతిరేకత ఎదురైంది. రైతులపై యుద్ధం చేస్తున్నారా అని పలువురు ప్రశ్నించారు. ఈ నేపథ్యంలో కేంద్రం రోడ్లపై ఏర్పాటు చేయించిన మేకుల్ని తక్షణమే తొలగించాలంటూ పోలీస్ ఉన్నతాధికారులకు ఆదేశాలు జారీ చేసింది.