అమెరికన్ మోడల్‌ను పడకగదిలోకి రమ్మన్న బాలీవుడ్‌ ప్రొడ్యూసర్స్, డైరెక్టర్స్..!
దిశ, వెబ్‌డెస్క్: సినీ ఇండస్ట్రీలో క్యాస్టింగ్ కౌచ్(సినిమా అవకాశాల కోసం పడకగదికి పిలిపించుకునే ప్రక్రియ) వివాదం ఎప్పటికప్పుడు చెలరేగుతూనే ఉంటోంది. ఒకటి, రెండు సినిమాల్లో తలుక్కుమన్న హీరోయిన్లు ఆ తర్వాత అవకాశాలు లేక సినిమాలకు దూరం అవుతుంటారు. వీరిని కదిలిస్తే ప్రధానంగా వారి నోటి నుంచి వచ్చే సమాధానం క్యాస్టింగ్ కౌచ్.
తాజాగా బాలీవుడ్‌ నటి(రాక్‌స్టార్‌ మూవీతో ఎంట్రీ ఇచ్చిన అమెరికన్ మోడల్) నర్గీస్ ఫక్రీ ఇదే ఆరోపణ చేసింది. మద్రాస్ కేఫ్, మై తేరా హీరో, హౌజ్ ఫుల్, రాక్ స్టార్, అమావాస్ చిత్రాల్లో కనిపించిన ఈ అమెరికన్ భామ ఆ తర్వాత అవకాశాలు అందుకోలేకపోయింది. ఇందుకు ప్రధాన కారణం పలువురు దర్శక, నిర్మాతలు పడకగదికి రావాలంటూ పిలిచారని ఆరోపించింది.
అలా వెళ్లడం ఇష్టం లేక నిరాకరించడంతో అవకాశాలు రాకుండా తొక్కిపడేశారంటూ ఆవేదన వ్యక్తం చేసింది. అసలు నగ్నంగా నటించకూడదని బ్లైండ్‌గా ఫిక్స్ అయి బాలీవుడ్‌కి వచ్చానని.. చివరకు బెడ్‌రూములోకి రమ్మనడంతో షాక్ అయ్యానంటూ చెప్పుకొచ్చింది.
