కెరీర్ గా యోగా.. జీతమెంత ఉంటుందో తెలిస్తే షాకవుతారు

దిశ, వెబ్‌డెస్క్: ఆరోగ్యంపై ప్రజల్లో అవగాహన పెరుగుతున్న ఈ రోజుల్లో, యోగా సాధన కేవలం వ్యాయామంగా కాకుండా, వృత్తిగా మారిపోయింది. దేశంలోనే కాదు విదేశాల్లోనూ యోగా గురు, థెరపిస్ట్‌గా అవకాశాలు విస్తృతంగా లభిస్తున్నాయి. యోగా నేర్చుకుని శారీరక, మానసిక ఆరోగ్యాన్ని పొందడమే కాదు.. వృత్తిగా కూడా ఎదగొచ్చని నిపుణులు చెబుతున్నారు.

కోవిడ్ అనంతరం ఆరోగ్యంపై అపారమైన శ్రద్ధ పెరగడంతో యోగా ఉపాధిగా మారింది. రిసార్ట్‌లు, స్కూల్స్, ఆసుపత్రులు, జిమ్‌లు, కార్పొరేట్ కంపెనీలు, టీవీ ఛానెళ్లు ఇలా అన్నికీ యోగా నిపుణుల కోసం డిమాండ్ ఉంది. ఆన్‌లైన్ యోగా క్లాసులతో విదేశీ క్లయింట్లు కూడా యాక్సెస్ చేస్తున్నారు.

యోగా నేర్చుకోవాలంటే ఇవే కోర్సులు

సర్టిఫికేట్ కోర్సులు (1.5 నెలలు): ఇంటర్ ఉత్తీర్ణతతో ప్రారంభించవచ్చు. ఫీజు ₹1,200 నుంచి ₹16,000 వరకు.

డిప్లొమా కోర్సులు: గ్రాడ్యుయేషన్ తర్వాత యోగ సైన్స్, నేచురోపతి, థెరపీ డిప్లొమాలు. ఫీజు ₹20,000 నుంచి ₹59,000.

బీఏ (యోగ తత్వశాస్త్రం): 3 ఏళ్ల డిగ్రీ కోర్సు.

MA / MSc in Yoga Therapy: పోస్ట్ గ్రాడ్యుయేట్ స్థాయిలో ప్రత్యేకత.

అడ్వాన్స్‌డ్ టీచర్స్ ట్రైనింగ్ (1 నెల): అనుభవంతోపాటు డిప్లొమా లేదా సర్టిఫికెట్ అవసరం.

ఆదాయ అవకాశాలు

సర్టిఫికేట్ కోర్సు పూర్తి చేసిన వారికి: రూ.1 – రూ.2 లక్షల వార్షిక ఆదాయం

డిప్లొమా హోల్డర్లకు: రూ.1.5 – రూ.3.5 లక్షలు

గ్రాడ్యుయేట్ (బీఏ యోగా): రూ.3.5 – రూ.5 లక్షలు

MA / MSc: రూ.4 – రూ.8 లక్షలు

ఫ్రీలాన్సింగ్ యోగా టీచర్: రూ.6 లక్షల వరకు ప్రారంభ ఆదాయం

ప్రొఫెషనల్ యోగా కోచ్: రూ.9 – రూ.15 లక్షల వరకు

ఆరోగ్యాన్ని పరిరక్షించుకునే ఒక శాస్త్రీయ మార్గమే యోగా. ఇది శారీరక శాంతికే కాక, ఉపాధికి మార్గం కూడా. నేటి యూత్ యోగా రంగాన్ని కెరీర్‌గా ఎంచుకుంటే ఆదాయంతో పాటు ఆధ్యాత్మిక సంతృప్తి కూడా పొందే అవకాశం ఉంది.