విద్యార్థులకు శుభవార్త.. NEET UG 2024 రిజిస్ట్రేషన్ కు మరో అవకాశం..

దిశ, ఫీచర్స్ : నేషనల్ టెస్టింగ్ ఏజెన్సీ NEET UG 2024 కోసం రిజిస్ట్రేషన్ చివరి తేదీని పొడిగించింది. పరీక్షకు హాజరు కావాలనుకునే అభ్యర్థులు అధికారిక వెబ్‌సైట్ neet.ntaonline.inని సందర్శించి 16 మార్చి 2024 వరకు దరఖాస్తు చేసుకోవచ్చు. అంతకుముందు దరఖాస్తు చేయడానికి చివరి తేదీ 9 మార్చి 2024. దీనికి సంబంధించి నేషనల్ టెస్టింగ్ ఏజెన్సీ తన అధికారిక వెబ్‌సైట్‌లో నోటీసు కూడా జారీ చేసింది.

అలాగే దరఖాస్తు చేసుకునే సమయంలో నీట్ అభ్యర్థులు ఎదుర్కొంటున్న ఆధార్ సంబంధిత సమస్యలకు సంబంధించి NTA ఒక ముఖ్యమైన నోటీసును జారీ చేసింది. రిజిస్ట్రేషన్ ఫారమ్ నింపడంలో ఎదురయ్యే సమస్యలను పరిష్కరించడానికి, నేషనల్ ఎగ్జామినేషన్ ఏజెన్సీ హెల్ప్‌లైన్ నంబర్‌ను అందుబాటులోకి తీసుకువచ్చింది. ఏదైనా సహాయం కోసం అభ్యర్థులు [email protected], [email protected] ఇమెయిల్ చేయవచ్చు. అలాగే 011-40759000కి కాల్ చేసి సంప్రదించవచ్చు.

NEET UG 2024 కోసం ఎలా దరఖాస్తు చేసుకోవాలి ?

అధికారిక వెబ్‌సైట్ neet.ntaonline.inకి లాగిన్ అవ్వండి.

హోమ్ పేజీలో ఇచ్చిన కొత్త రిజిస్ట్రేషన్ లింక్‌ పై క్లిక్ చేయండి.

పేరు, పుట్టిన తేదీ, మొబైల్ నంబర్, ఇమెయిల్ ఎంటర్ చేసి నమోదు చేసుకోండి.

ఇప్పుడు అవసరమైన అన్ని వివరాలను నమోదు చేయండి.

సర్టిఫికెట్స్, డిపాజిట్ రుసుములను అప్‌లోడ్ చేయండి.

తర్వాత సబ్మిట్ కొట్టండి.

అభ్యర్థులు రూ. 1700 రిజిస్ట్రేషన్ ఫీజు చెల్లించాల్సి ఉంటుంది. జనరల్-EWS/OBC-NCL అభ్యర్థులు దరఖాస్తు రుసుము రూ. 1600 చెల్లించాల్సి ఉంటుంది. ఇక SC/ST/PWBD/తృతీయ లింగానికి చెందిన వారికి రూ.1000 దరఖాస్తు రుసుము చెల్లించాలి.

NEET UG 2024 పరీక్ష ఎప్పుడు ?

NEET UG 2024 పరీక్ష 5 మే 2024 న నిర్వహించనున్నారు. ఫలితాలను 14 జూన్ 2024న ప్రకటించనున్నారు. గతేడాది నీట్ పరీక్షకు 20.87 లక్షల దరఖాస్తులు వచ్చాయి. ప్రస్తుతం దేశంలో 10 లక్షల 8 వేల 940 MBBS సీట్లు అందుబాటులో ఉండగా ఈ ఏడాది ఈ దరఖాస్తులు 21 లక్షలకు పైగా పెరిగాయి.