నాలుగు రాష్ట్రాల్లో బీజేపీ.. ఆప్‌కు ఒకటి.. సీ ఓటర్ సర్వే ఫలితాలు ఇవే..

దిశ, వెబ్‌డెస్క్: వచ్చే ఏడాదిలో యూపీ, ఉత్తరాఖండ్, గోవా, మణిపూర్, పంజాబ్ రాష్ట్రాల్లో సార్వత్రిక ఎన్నికలు జరగనున్న విషయం తెలిసిందే. దీంతో ఆయా రాష్ట్రాల్లో ఎన్నికల వేడి రాజుకుంది. ఈ క్రమంలో ఎవరు గెలిచే అవకాశం ఉందనే దానిపై అనేక సర్వేలు వెలువడుతున్నాయి. అందులో భాగంగా తాజాగా ఏబీపీ న్యూస్-సీఓటర్-ఐఏఎన్‌ఎస్ సర్వే ఫలితాలు వెలువడ్డాయి.

ఐదు రాష్ట్రాల్లోని నాలుగు రాష్ట్రాల్లో బీజేపీ గెలిచే అవకాశముందని ఏబీపీ న్యూస్-సీఓటర్-ఐఏఎన్‌ఎస్ సర్వేలో తేలింది. పంజాబ్ మినహా యూపీ, ఉత్తరాఖండ్, గోవా, మణిపూర్ రాష్ట్రాల్లో కాషాయ జెండా ఎగురుతుందని వెల్లడించింది. పంజాబ్ లో ఆమ్ ఆద్మీ పార్టీ గెలిచే అవకాశముందని, ఆప్‌కు 51, కాంగ్రెస్‌కు 46, అకాలీదళ్‌కు 20 సీట్లు వస్తాయని తెలిపింది.