Vietjet Ticket Sale: రూ.11కే విదేశాలకు ప్రయాణించే అవకాశం.. ఈ హోలీ ఆఫర్‌ను మిస్‌ చేసుకోవద్దు!

దిశ, వెబ్ డెస్క్ : Vietjet Ticket Sale: వియత్నాం విమానయాన సంస్థ వియత్‌జెట్ (Vietjet)ప్రత్యేక పండుగ హోలీ సందర్భంగా భారతీయులకు ప్రత్యేక ఆఫర్ ప్రకటించింది. ఈ హోలీ పండుగ సేల్‌(Holi festival sale)లో, ఛార్జీలు కేవలం 11 రూపాయల నుండి ప్రారంభమవుతున్నాయి. ప్రయాణీకులు ఫిబ్రవరి 28 వరకు తక్కువ ధరలకు టిక్కెట్లు కొనుగోలు చేయవచ్చు.

ప్రస్తుతం దేశం మొత్తం కూడా కుంభమేళా(kumbhmela) వైపు చూస్తోంది. మరోవైపు శివరాత్రి పురస్కరించుకుని దేవాలయాలు భక్తులతో కిక్కిరిసిపోతున్నాయి. సాధారణంగానే విమాన టికెట్లు కాస్త ఎక్కువగానే ఉంటాయి. ఇంకా ఇలాంటి సమయంలో అయితే టికెట్ల ధరలకు రెక్కలు వస్తాయి. కానీ మీరు కొన్ని విమానయాన సంస్థల టికెట్లను గమనిస్తే తక్కువ ధరకే కొనుగోలు చేయవచ్చు. ఈమధ్యే వియత్నాం విమానయాన సంస్థ వియత్ జెట్(Vietjet Ticket Sale_ భారతీయుల కోసం హోలీ సేల్ ను ప్రారంటబించింది. ఈ సందర్భంగా భారతీయ ప్రయాణికులకు వన్ వే ఎకానమీ క్లాస్ ఛార్జీలు కేవలం రూ. 11లకే అందిస్తుంది.

వియత్నాం భారతదేశంలోని అన్ని నగరాల నుండి వియత్నాంలోని నగరాలకు వెళ్లే విమానాలలో వియత్‌జెట్(Vietjet Ticket Sale) ఈ బంపర్ ఆఫర్ ప్రకటించింది. ఇందులో, వన్-వే ఎకానమీ క్లాస్ ఛార్జీ రూ.11 నుండి ప్రారంభమవుతుంది. అయితే, అమ్మకంలో అందించే ఛార్జీ మొత్తానికి అదనంగా పన్నులు, ఇతర విమానాశ్రయ ఛార్జీలు ఉంటాయి. ఈ పరిమిత కాల ఆఫర్ ఇప్పుడు అందుబాటులో ఉంది. ఫిబ్రవరి 28, 2025 వరకు కొనసాగుతుంది. ఈ ఆఫర్ కింద, మార్చి 10 నుండి సెప్టెంబర్ 30, 2025 మధ్య ప్రయాణించవచ్చు. ఇది భారతదేశం నుండి వియత్నాంకు వెళ్లే అన్ని మార్గాలకు వర్తిస్తుంది.

న్యూఢిల్లీ, ముంబై, అహ్మదాబాద్, కొచ్చి, హైదరాబాద్, బెంగళూరు నుండి వియత్నాంలోని ప్రధాన నగరాలు - హనోయ్, వియత్నాం రాజధాని హో చి మిన్ సిటీ, డా నాంగ్ లకు ప్రయాణించే విమానాలలో భారతీయ ప్రయాణికులు ఈ ప్రత్యేక ఆఫర్‌ను పొందవచ్చు. టికెట్ బుకింగ్ కోసం మీరు వియత్‌జెట్ అధికారిక వెబ్‌సైట్ (www.vietjetair.com) వియత్‌జెట్ ఎయిర్ మొబైల్ యాప్‌ను సందర్శించాలి. మీరు ఈ ప్రదేశాల నుండి అమ్మకానికి టిక్కెట్లను బుక్ చేసుకోవచ్చు.

భారతదేశం, వియత్నాం మధ్య అత్యధిక విమానాలను నడిపే విమానయాన సంస్థగా వియత్‌జెట్ క్రమంగా అడుగులు వేస్తోంది. మార్చి 2025లో, వియట్‌జెట్ బెంగళూరు, హైదరాబాద్‌లను హో చి మిన్ సిటీకి అనుసంధానిస్తూ రెండు కొత్త ప్రత్యక్ష విమానాలను ప్రారంభించబోతోంది. దీనితో, భారతదేశం-వియత్నాం మధ్య దాని నెట్‌వర్క్ మొత్తం 10 మార్గాలను కలిగి ఉంటుంది. ప్రతి వారం 78 విమానాలు నడుస్తాయి.

వియత్‌జెట్ బలమైన దేశీయ నెట్‌వర్క్ కారణంగా, హనోయ్, హో చి మిన్ సిటీ, డా నాంగ్ నుండి, భారతీయ ప్రయాణికులు వియత్నాంలోని ఇతర ప్రసిద్ధ పర్యాటక ప్రదేశాలకు సులభంగా చేరుకోవచ్చు. అదనంగా, వియత్నాంను సింగపూర్, కౌలాలంపూర్, బాలి, ఆస్ట్రేలియా, ఈశాన్య ఆసియాలోని ప్రధాన నగరాలతో సహా ఆసియా-పసిఫిక్‌లోని ప్రధాన పర్యాటక ప్రదేశాలకు కూడా వియత్నాంను కలుపుతుంది.