బంగారం ప్రియులకు ఊరట..భారీగా పతనమైన పసిడి ధరలు

దిశ, వెబ్ డెస్క్: వివిధ కారణాలతో ఆకాశమే హద్దుగా దూసుకెళ్లిన పసిడి ధరలు ఒక్కసారిగా నేలచూపులు చూస్తున్నాయి. అంతర్జాతీయ మార్కెట్లో చోటుచేసుకున్న ఆకస్మిక పరిణామాలు, బులియన్ మార్కెట్ పరిణామాల ప్రభావం తో బంగారం ధరలు భారీగా క్షీణించాయి. హైదరాబాద్ బులియన్ మార్కెట్‌లో గురువారం (జూన్ 11) ఒకే రోజున బంగారం ధరలు భారీ పతనాన్ని నమోదు చేశాయి. గత రెండు రోజులుగా సాగుతున్న ఈ తగ్గుదల ట్రెండ్ వినియోగదారులకు, పెళ్లిళ్ల సీజన్ కొనుగోలుదారులకు పెద్ద ఊరట గా మారింది.

హైదరాబాద్‌లో తాజా పసిడి ధరల వివరాలు..

ఇవాళ హైదరాబాద్ మార్కెట్‌లో 10 గ్రాముల 24 క్యారెట్ల మేలిమి బంగారం ధర ఏకంగా రూ. 2,130 తగ్గి ₹1,45,640 కి చేరింది. కాగా, కేవలం గత రెండు రోజుల్లోనే పసిడి ధర ఏకంగా రూ. 7,520 మేర తగ్గడం బులియన్ మార్కెట్ చరిత్రలో ఒక విశేషంగా నిలిచింది. సాధారణంగా ఆభరణాల తయారీకి ఉపయోగించే 10 గ్రాముల 22 క్యారెట్ల పసిడి రేటు కూడా ఇవాళ రూ. 1,950 క్షీణించి ₹1,33,500 వద్ద స్థిరపడింది. అయితే, తెలుగు రాష్ట్రాలైన ఆంధ్రప్రదేశ్, తెలంగాణలలోని వివిధ ప్రధాన నగరాలు, స్థానిక జ్యువెలరీ దుకాణాల ప్రాంతాన్ని బట్టి, అలాగే వర్తించే పన్నులను బట్టి ఈ ధరలలో స్వల్ప మార్పులు, తేడాలు ఉండవచ్చని మార్కెట్ నిపుణులు పేర్కొంటున్నారు.