LIC App Alert: ఆ పేమెంట్స్ చేస్తే అంతే సంగతి...ఎల్ఐసీ పాలసీ ఉన్నవాళ్లకు కీలక అప్ డేట్
దిశ, వెబ్ డెస్క్: LIC App Alert: లైఫ్ ఇన్సూరెన్స్ కార్పొరేషన్ ఆఫ్ ఇండియా తమ పాలసీదారులు, కస్టమర్లకు కీలక హెచ్చరికలు జారీ చేసింది. ఆ పేమెంట్లపై తాము ఎలాంటి బాధ్యత వహించబోమని పేమెంట్లు చేసే ముందు జాగ్రత్తగా ఉండాలని పేర్కొంది. తెలియని యాప్స్ ద్వారా పేమెంట్స్ చేయకూడదని స్పష్టం చేసింది.
దేశీయ అతిపెద్ద బీమా రంగ సంస్థ భారతీయ జీవిత బీమా కంపెనీ తమ పాలసీదారులు, కస్టమర్లకు హెచ్చరికలను జారీ చేసింది. తమ కస్టమర్లు ఫేక్ యాప్స్ పట్ల అప్రమత్తంగా ఉండాలంటూ సూచనలు చేసింది. ఎల్ఐసీ సంస్థ పేరుతో ఫేక్ యాప్స్ సర్క్యూలేట్ అవుతున్నాయని ఈ విషయం తమ ద్రుష్టికి వచ్చినట్లు పేర్కొంది. ఈ క్రమంలో తమ పాలసీదారులను అప్రమత్తం చేస్తూ పబ్లిక్ అడ్వైజరీని జారీ చేసింది. అలాంటి ఫేక్ యాప్స్ మాయలో పడొద్దని సూచించింది.
ఎల్ఐసీ ఇండియా పేరుతో కొన్ని ఫేక్ మొబైల్ అప్లికేషన్స్ మార్కెట్లో చలామణి అవుతున్నట్లు మా ద్రుష్టికి వచ్చింది. కాబట్టి మా కస్టమర్లు, పాలసీదారులు తగు జాగ్రత్తలు తీసుకుంటూ అప్రమత్తంగా ఉండాలని సూచించింది. ఫేక్ యాప్స్ ద్వారా ఎలాంటి ట్రాన్సాక్షన్స్ చేయవద్దని కోరింది. కేవలం ఎల్ఐసీ ఇండియా అధికారిక వెబ్ సైట్, ఎల్ఐసీ డిజిటల్ యాప్ సహా ఎల్ఐసీ వెబ్ సైట్లలో అందుబాటులో ఉన్న ఇతర మార్గాల ద్వారా మాత్రమే ట్రాన్సాక్షన్లు చేయాలి. ఇతర ఫేక్ యాప్స్, వెబ్ సైట్స్ ద్వారా చేసే పేమెంట్స్ కు ఎల్ఐసీ ఎలాంటి బాధ్యత వహించబోదని ఎల్ఐసీ స్పష్టం చేసింది.
పాలసీదారులు, కస్టమర్లు ఎల్ఐసీ అధికారిక యాప్ గుర్తించడంలో ఇబ్బందులు ఎదుర్కొంటున్నట్లయితే తమ అధికారిక వెబ్ సైట్లోకి వెళ్లి సంబంధిత లింక్ ద్వారా తమకు కావాల్సిన ఆండ్రాయిడ్ లేదా ఐఓఎస్ యా్ప డౌన్ లోడ్ చేసుకోవాలని పేర్కొంది. అధికారిక యాప్ ద్వారా మాత్రమే పేమెంట్స్ చేయాలని కోరింది. ఏదైనా డౌట్ ఉన్నట్లయితే సమీప ఎల్ఐసీ కార్యాలయంలో వివరాలు తెలుసుకోవచ్చని తెలిపింది. కస్టమర్లు తమ పాలసీ వివరాలు తెలుసుకునేందుకు ఎల్ఐసీ ఫోన్ (022) 6827 6827 ద్వారా లేదా www.licindia.in కానీ లేదా సోషల్ మీడియా ఎక్స్, ఫేస్ బుక్, ఇన్ స్టాగ్రామ్, యూట్యూబ్ అకౌంట్ LICIndiaForever ద్వారా కాంటాక్ట్ కావచ్చని తెలిపింది. లేదంటే గుర్తింపు పొందిన ఎల్ఐసీ ఏజెంట్, బ్రాంచ్ ను సంప్రదించవచ్చని తెలిపింది. తమ కస్టమర్లు ఫేక్ యాక్స్ పట్ల అప్రమత్తంగా ఉండాలని..ఎలాంటి పేమెంట్స్ చేసి నష్టపోవద్దని తెలిపింది.
