Good News: ఎయిర్ టెల్ సిమ్ వాడే వారికి మూడు నెలలు నెట్ ఫ్లిక్స్ ఫ్రీ.. ఎలాగంటే?

దిశ, వెబ్ డెస్క్: ప్రస్తుతం భారత టెలికాం రంగంలో విపరీతమైన పోటీ నెలకొంది. ఈక్రమంలో కస్టమర్లను తమ వైపు మళ్లించుకునేందుకు ఆయా టెలికాం కంపెనీలు కొత్త కొత్త ఆఫర్లను ప్రకటిస్తున్నాయి. ఈ సందర్భంగా దేశీయ టెలికాం దిగ్గజం ఎయిర్‌టెల్ తమ వినియోగదారుల కోసం కొత్త రీఛార్జ్ ప్లాన్‌ను ప్రవేశపెట్టింది. ఈ ప్లాన్ రీఛార్జ్ చేసుకుంటే కస్టమర్లకు మూడు నెలల పాటు నెట్‌ఫ్లిక్స్ బేసిక్ సబ్‌స్క్రిప్షన్‌ ఉచితంగా లభిస్తోంది.

ప్లాన్ వివరాలు..

ఎయిర్‌టెల్ వినియోగదారులు రూ.1,499 ధరతో రీఛార్జ్ చేసుకుంటే.. 84 రోజుల వ్యాలిడిటీతో అన్‌లిమిటెడ్ వాయిస్ కాల్స్, రోజుకు 3GB డేటా, రోజుకు 100 SMS‌లు వంటి ప్రయోజనాలతో పాటు మూడు నెలల పాటు నెట్‌ఫ్లిక్స్ బేసిక్సబ్‌స్క్రిప్షన్ ఉచితంగా లభిస్తుంది.

నెట్‌ఫ్లిక్స్ సబ్‌స్క్రిప్షన్‌ను ఎలా యాక్టివేట్ చేయాలంటే..

* ముందుగా మీరు రూ.1,499 ప్లాన్‌తో రీఛార్జ్ చేసుకోవాలి.

* అప్ డేట్ చేసిన ఎయిర్‌టెల్ థ్యాంక్స్ యాప్‌ను ఓపెన్ చేయాలి

* 'థ్యాంక్స్ బెనిఫిట్స్' సెక్షన్‌లో నెట్‌ఫ్లిక్స్ ఆప్షన్‌ను కనిపిస్తుంది.

* క్లెయిమ్ బటన్‌పై క్లిక్ చేయాలి.

* మీ ఎయిర్‌టెల్ నంబర్‌కు నెట్‌ఫ్లిక్స్ సబ్‌స్క్రిప్షన్ లభిస్తోంది.

ఈ ప్లాన్‌తో వినియోగదారులు నెట్‌ఫ్లిక్స్‌లో ఉన్న సినిమాలు, టీవీ షోలు, ఇతర కంటెంట్‌ను మూడు నెలల పాటు ఉచితంగా వీక్షించవచ్చు. అదనంగా, అపోలో 24/7 సర్కిల్ సభ్యత్వం, ఉచిత హెలోట్యూన్స్, వింక్ మ్యూజిక్ వంటి ప్రయోజనాలు కూడా అందుబాటులో ఉన్నాయి. ఈ ప్లాన్ OTT ప్రియులకు మంచి ఎంపిక అని చెప్పవచ్చు.