భారీగా బంగారం, వెండి ధరలు పతనం.. ఏకంగా రూ.50 వేలు?

దిశ, వెబ్‌డెస్క్: గత పదిరోజులుగా బంగారం ధరలు భారీగా పతనమవుతున్నాయి. శనివారం ఉదయం 11 గంటల తర్వాత బంగారం ధరలు తగ్గాయి. హైదరాబాద్ బులియన్ మార్కెట్లో 24 క్యారెట్ల బంగారం 10 గ్రాముల ధర రూ.2940 తగ్గి రూ.1,45,970కి పడిపోయింది. అలాగే 22 క్యారెట్ల బంగారం 10 గ్రాముల ధర రూ.2750 తగ్గి రూ.1,33,800కి దిగివచ్చింది. తెలుగురాష్ట్రాల్లో ప్రధాన నగరాల్లో బంగారం ధరలు స్వల్ప తేడాతో దాదాపు ఇలాగే ఉండే అవకాశం ఉంది. ఈ ధరలకు జీఎస్టీ, తరుగు అదనంగా ఉంటుంది. మార్చి 12వ తేదీ నుంచి ఈరోజు వరకూ.. అంటే 10 రోజుల సమయంలో బంగారం ధరలు ఊహించని రీతిలో తగ్గడంతో.. కొనుగోలుదారులు హర్షం వ్యక్తం చేస్తున్నారు. 24 క్యారెట్ల బంగారం 10 గ్రాములపై రూ.17,340 తగ్గగా.. 22 క్యారెట్ల బంగారం 10 గ్రాములపై రూ.15,900 తగ్గింది. పెళ్లిళ్లు, ఇతర శుభకార్యాల కోసం బంగారం కొనుగోలు చేయాలనుకునేవారికి ఇదే మంచి సమయంగా చెప్తున్నారు నిపుణులు.

మరోవైపు వెండి ధరలు కూడా క్రమంగా పతనమవుతున్నాయి. శనివారం ఉదయం కిలో వెండి ధర రూ.10,000 తగ్గి.. రూ.2,50,000వద్ద కొనసాగుతోంది. గడిచిన 10 రోజుల్లో ఏకంగా రూ.50,000 తగ్గడం గమనార్హం. పశ్చిమాసియాలో యుద్ధపరిస్థితుల నేపథ్యంలో.. బంగారం, వెండి పై ఉంచిన పెట్టుబడుల్ని ఇన్వెస్టర్లు విత్ డ్రా చేసుకోవడం వల్లే ఈ డౌన్ ఫాల్ కనిపిస్తోందని నిపుణులు విశ్లేషిస్తున్నారు.