లవర్‌తో కలిసి సీక్రెట్‌గా మందు తాగుతున్న యువతి.. పోలీసులు చూసి షాక్!
దిశ, వెబ్ డెస్క్: బీహార్ రాష్ట్రంలో మద్యం విషయంలో ఆ రాష్ట్ర ప్రభుత్వం సీరియస్ గా వ్యవహరిస్తున్న విషయం తెలిసిందే. ఈ నేపథ్యంలో పోలీసులు ఎప్పటికప్పుడు ముమ్మరంగా తనిఖీలు నిర్వహిస్తున్నారు. తాజాగా కూడా సోమవారం పాట్నాలోని ఓ హోటల్ లో పోలీసులు తనిఖీలు నిర్వహించారు. ఆ సమయంలో అక్కడ ఓ యువతి తన లవర్ తో కలిసి మందు తాగుతుండగా పోలీసులు చూసి షాకయ్యారు. అనంతరం వారిని అదుపులోకి తీసుకున్నారు.
వివరాల్లోకి వెళితే.. బీహార్ లోని పాట్నాలోని శాస్త్రీ నగర్ పోలీస్ స్టేషన్ పరిధిలో ఓ హోటల్ లో ఓ యువతి తన లవర్ తో కలిసి మందు తాగుతోంది. ఆ సమయంలో పోలీసులు ఆ హోటల్ లో తనిఖీలు నిర్వహించారు. హోటల్ లోని అన్ని రూంలను తనిఖీ చేస్తుండగా.. ఓ రూంలో వీరిద్దరూ కనిపించారు. పోలీసులు ఒక్కసారిగా షాకయ్యారు. అనంతరం వారిని అరెస్ట్ చేశారు. అక్కడే బెడ్ పై ఉన్న మద్యం బాటిల్ ను స్వాధీనం చేసుకున్నారు. హోటల్ లోనే వారిని విచారించి, వారిపై కేసు నమోదు చేశారు.
