త్వరలో కాంగ్రెస్‌లోకి బిగ్‌బాస్ కంటెస్టెంట్?

దిశ, వెబ్‌డెస్క్ : తెలంగాణ కాంగ్రెస్‌కు పూర్వవైభవం తీసుక రావడం కోసం ఆ పార్టీ నాయకుుల తీవ్రంగా కష్టపడుతున్నారనే చెప్పవచ్చు. పీసీసీ చీఫ్‌గా రేవంత్ రెడ్డి ఎన్నికైన అప్పటి నుంచి పార్టీ నేతలు, కార్యకర్తల్లో ఉత్సాహం నింపుతున్నారు. ఇతర పార్టీ నేతలను తమ పార్టీలో చేర్చుకునేందుకు గాలం వేస్తున్నారు. ఈ క్రమంలోనే దుబ్బాకలో ఇండిపెండెంట్‌గా పోటీ చేసి ఓడిపోయిన బిగ్‌బాస్ కంటెస్టెంట్ కత్తి కార్తీకను కాంగ్రెస్‌లోకి తీసుక రావడానికి ఆ పార్టీ నేతలు ప్రయత్నిస్తున్నారు. ఇందులో భాగంగా కాంగ్రెస్ మాజీ ఎంపీ మధుయాష్కీ కత్తి కార్తికను కలిసి కాంగ్రెస్‌లోకి ఆహ్వానించారు. ఆయన ఆహ్వానాన్ని ఆమె స్వీకరించి త్వరలోనే రేవంత్ రెడ్డి సమక్షంలో కాంగ్రెస్ పార్టీ కండువ కప్పుకోనేందుకు రెడీగా ఉన్నట్లు సమాచారం.