దిశ, వెబ్‌డెస్క్: టీమిండియా టెస్టు కెప్టెన్సీ బాధ్యతల నుంచి విరాట్ కోహ్లీ తప్పుకోనున్నాడనే వార్తలు గత కొద్దిరోజులుగా వినిపిస్తున్నాయి. విరాట్ స్థానంలో రోహిత్ శర్మ పగ్గాలు చేపట్టనున్నాడనే ప్రచారం మీడియాలో జోరుగా జరుగుతోంది. దీంతో ఈ వార్తలపై ఎట్టకేలకు బీసీసీఐ స్పందించింది. మీడియాలో వస్తున్న వార్తల్లో వాస్తవం లేదని, కోహ్లీనే అన్ని ఫార్మాట్లకు కెప్టెన్‌గా ఉంటాడని బీసీసీఐ స్పష్టం చేసింది.

ఈ మేరకు బీసీసీఐ ట్రెజరర్ అరుణ్ కుమార్ ప్రకటన జారీ చేశారు. మీడియా వస్తున్న వార్తలన్నీ రబ్బిష్ అని, మీడియాలో వార్తలు వస్తున్నట్టుగా ఏదీ జరగబోదన్నారు. కెప్టెన్సీ అంశం గురించి బీసీసీఐ సమావేశం కావడం కానీ, లేదా చర్చించడం కానీ జరగలేదన్నారు.