నేటి నుంచి బార్లు, థియేటర్లు బంద్..

దిశ, వెబ్ డెస్క్ : మహారాష్ట్రలో కరోనా విజృంభణ కొనసాగుతోంది. రికార్డు స్థాయిలో పాజిటివ్ కేసులు నమోదు అవుతున్నాయి. ఈ నేపథ్యంలో మహా సర్కార్ మరో కీలక నిర్ణయం తీసుకుంది. పుణేలో కరోనా వ్యాప్తి పెరుగుతున్న కారణంగా నేటి నుంచి రాత్రి పూట కర్ఫ్యూ అమలు చేయనున్నట్టు ప్రభుత్వం ఓ ప్రకటనలో తెలిపింది.

అదే సమయంలో నేటి నుంచి వారం రోజుల పాటు పుణే బార్లు, హోటళ్లు, థియేటర్లను మూసివేస్తున్నట్టు అధికారులు వెల్లడించారు. అంత్యక్రియలు, వివాహాలు మినహా అన్ని ఫంక్షన్లకు అనుమతి నిరాకరిస్తున్నట్టు ప్రభుత్వం ఆదేశాలు జారీ చేసింది.