చీరాల వాసికి అత్యున్నత పురస్కారం

దిశ, ఏపీ బ్యూరో: ప్రకాశం జిల్లా చీరాల కామాక్షి కేర్ ఆస్పత్రి అధినేత తాడివలస దేవరాజు ఆసియా ఫసిఫిక్ ఎక్సలెన్స్​యంగ్​ అచీవర్ అవార్డుకు ఎంపికయ్యారు. ఆదివారం ఢిల్లీలో అవార్డును అందుకోనున్నారు. సేవ, ఆధ్యాత్మికత, విద్య, వైద్యం లాంటి రంగాల్లో అందించిన సేవలతో పాటు చిన్న వయసులోనే తాను ఎదుగుతూ ఎంతో మందికి ఉపాధి చూపినందుకు దేవరాజు ఈ అవార్డుకు ఎంపికయ్యారు. గతంలో రాష్ట్ర స్థాయి లో తాడివలస దేవరాజు అనేక అవార్డులు అందుకున్నారు. వివిధ రంగాల్లో విశేష ప్రతిభ చూపిన యువతకు ఇచ్చే ఎంతో ప్రతిష్టాత్మకమైన ఈ అవార్డ్ కు ఎంపికైన దేవరాజును వివిధ సంఘాల ప్రతినిధులు అభినందించారు.