టీఎస్ ఐపాస్ కింద 15 వేల 326 పరిశ్రమలకు ఆమోదం

దిశ, తెలంగాణ బ్యూరో : టీఎస్ ఐపాస్ కింద ఆరేళ్లలో 15 వేల 326 పరిశ్రమలకు ఆమోదం తెలిపినట్లు ఐటీ శాఖ మంత్రి కేటీఆర్ వెల్లడించారు. మంగళవారం అసెంబ్లీలో అడిగిన క్వచ్ఛన్ నెంబర్ 574 కు సమాధానమిస్తూ తెలంగాణ ప్రభుత్వం అనుమతించిన పరిశ్రమలలో 11954 పరిశ్రమలు నెలకొల్పడం జరిగిందని పేర్కొన్నారు. అలానే ఆ పరిశ్రమలు ఉత్పత్తిని ప్రారంభించాయని వెల్లడించారు. టీఎస్ ఐపాస్ రెండు లక్షల 13430 కోట్లను ఆకర్షించినట్లు తెలిపారు. 97 వేల 400 కోట్లతో పరిశ్రమల పనులు ప్రారంభించామని ఆయన తెలిపారు. ఈ పరిశ్రమలతో 15 లక్షల 52 వేల 678 మందికి ప్రత్యక్షంగా పరోక్షంగా ఉపాధి కలుగుతుందని అంచనా వేసినట్లు మంత్రి తెలిపారు. ప్రస్తుతం ఏడు లక్షల 67వేల 729 మందికి ఉపాధి కల్పించామన్నారు.