సింగర్ సునీత పేరుతో మరో మోసం

దిశ, వెబ్ డెస్క్: ప్రముఖ సింగర్ సునీత పేరుతో అక్రమంగా డబ్బులు వసూలు చేసిన నిందితుడు చైతన్య మోసాలు ఒక్కొక్కటిగా వెలుగులోకి వస్తున్నాయి. సింగర్ సునీత అభిమాని నుంచి నిందితుడు చైతన్య రూ. 1.70 కోట్లు కొట్టేశాడు. ఈ మేరకు చైతన్యపురి పోలీస్ స్టేషన్ లో బాధిత మహిళ ఫిర్యాదు చేసింది.

కేరళలో ‘ఆనందం చెర్లాయం ట్రస్టు’ పేరుతో రూ. 50 లక్షలు వసూలు చేశాడు. ఈ క్రమంలో సునీత ఆడియో, వీడియో మెసేజ్ లు చూపించి డబ్బులు వసూలు చేసినట్లు బాధితురాలు పేర్కొన్నట్లు తెలిసింది. దీంతో చైతన్యతోపాటు మరికొందరిపై పోలీసులు కేసులు నమోదు చేశారు. కాగా, ఇప్పటికే నిందితుడు చైతన్యను సైబరాబాద్ పోలీసులు అరెస్ట్ చేసిన విషయం తెలిసిందే.