Jammalamadugu: సెంట్రింగ్ కర్రలు, రాళ్లతో దాడులు.. ఇరువర్గాలకు గాయాలు

దిశ, కడప: వైయస్సార్ కడప జిల్లా జమ్మలమడుగు టౌన్ అంబవరం సమీపంలోని జగనన్న కాలనీలో ఎమ్మెల్సీ రామ సుబ్బారెడ్డి, ఎమ్మెల్యే సుధీర్ రెడ్డి వర్గాలు దాడులు చేసుకున్నారు. చిల్లర అంగడి కోసం సెంట్రింగ్ కర్రలు, రాళ్లతో పరస్పరం దాడి చేసుకున్నారు. ఈ దాడుల్లో రెండు వర్గాల వారికి గాయాలయ్యాయి. వీరిని స్థానిక ఆస్పత్రులకు తరలించారు. విషయం తెలుసుకున్న పోలీసులు రెండు వర్గాల నుంచి ఫిర్యాదులను స్వీకరించారు. కేసులు నమోదు చేసి దర్యాప్తు చేస్తున్నారు.