Kadapa: గంజాయి రవాణా చేస్తున్న 11 మంది అరెస్ట్

దిశ, కడప: మైదుకూరు, ప్రొద్దుటూరు, పులివెందుల పరిధిలో గంజాయి రవాణా, విక్రయాలు సాగిస్తున్న అంతర్ జిల్లా స్మగ్లర్లపై పోలీసులు దాడులు నిర్వహించారు. ఈ దాడుల్లో 11 మంది ముఠా సభ్యులను అరెస్టు చేశారు. నిందితుల నుంచి 23 కేజీల 950 గ్రాముల గంజాయి, 7 మొబైల్ ఫోన్లు, రెండు వాహనాలు స్వాధీనం చేసుకున్నారు. ఈ సందర్భంగా జిల్లా ఎస్పీ అంబురాజన్ మాట్లాడుతూ గంజాయి అమ్మినా, కొన్నా, దాచి ఉంచినా, అక్రమ రవాణా చేసినా నాన్ బెయిలబుల్ కేసులు పెడతామన్నారు. పదే పదే నేరాలకు పాల్పడే వారిపై పీడీ యాక్ట్ కేసులు అమలు చేస్తామని ఎస్పీ హెచ్చరించారు.