Mp Vijayasai Reddy: సీబీఐ కోర్టు ఆదేశాలపై ఉత్కంఠ

దిశ, వెబ్ డెస్క్: వైసీపీ ఎంపీ విజయసాయిరెడ్డి(YCP MP Vijayasai Reddy) సీబీఐ కోర్టు(CBI Court)ను ఆశ్రయించారు. విదేశాలకు వెళ్లేందుకు తనకు అనుమతివ్వాలని పిటిషన్ దాఖలు చేశారు. ఈ పిటిషన్‌పై సీబీఐ కోర్టు శుక్రవారం విచారించనుంది. వైఎస్ జగన్(YS Jagan) ఆస్తుల వ్యవహారంతో పాటు పలు కేసుల్లో ఆయన నిందితుడిగా ఉన్నారు. గతంలో జైలు జీవితం కూడా అనుభవించారు. ఆ కేసుల నేపథ్యంలో ఆయన విదేశీ పర్యటనపై కోర్టు నిషేధం విధించింది. అయితే ఈ నెల 15 నుంచి 30వ తేదీ వరకూ విజయసాయిరెడ్డి అమెరికా(America)తో పాటు ఫ్రాన్స్(France) వెళ్లాలని నిర్ణయించుకున్నారు. ఈ మేరకు కోర్టు అనుమతి కోరుతూ పిటిషన్ దాఖలు చేశారు. కానీ సీబీఐ మాత్రం అభ్యంతరం వ్యక్తం చేస్తోంది. విజయసాయిరెడ్డి విదేశీ పర్యటనకు అనుమతి ఇవ్వొద్దని అంటోంది. దీంతో విజయసాయిరెడ్డి పర్యటనపై సస్పెన్స్ కొనసాగుతోంది. సీబీఐ కోర్టు ఆదేశాలపై ఉత్కంఠ నెలకొంది.