తిరుమలలో భారీగా భక్తుల రద్దీ.. ఒక్కసారిగా పెరిగిన ఆదాయం

దిశ, వెబ్ డెస్క్: తిరుమల(Tirumala) శ్రీవారి ఆదాయం(Income) భారీగా పెరిగింది. వేసవి సెలవులు ముగుస్తుండటంతో వెంకన్న దర్శనార్ధం భక్తుల కుటుంబ సమేతంగా తరలివస్తున్నారు. కానుకలు, ముడుపులు, మొక్కులు చెల్లిస్తున్నారు. దీంతో హుండీ ఆదాయం రూ.3.34 కోట్లకు చేరింది. ఈ వారాంతం వెంకన్న ఆదాయం మరింత పెరుగుతుందని అంచనా వేస్తున్నారు.

అటు భక్తుల(Devotees) రద్దీ సైతం కొనసాగుతోంది. వైకుంఠం క్యూ కాంప్లెక్స్‌(Vaikuntam Q Complex)లోని అన్ని కంపార్ట్‌మెంట్లు భక్తులతో ఫుల్ అయిపోయాయి. దీంతో వెలుపల క్యూ లైన్‌లోనూ భక్తులు వేచియున్నారు.. శ్రీవారి సర్వదర్శనానికి 15 గంటల సమయంపడుతోంది. 67,284 మంది భక్తులు గురువారం శ్రీవారిని దర్శించుకున్నారు. మొత్తం 31,268 మంది భక్తులు తలనీలాలు సమర్పించారు.