ఏపీ సీఎస్ విజయానంద్ పదవీ కాలం పొడిగింపు.. కేంద్రం ఆమోదం

దిశ, వెబ్ డెస్క్: ఏపీ ప్రభుత్వ ప్రధాన కార్యదర్శి కె.విజయానంద్(AP Government Chief Secretary K. Vijayanand) పదవీ కాలాన్ని ప్రభుత్వం మరో మూడు నెలలు పెంచింది. 2026 ఫిబ్రవరి 28 వరకూ ఆయన పదవీ కాలాన్ని పొడిగిస్తూ కేంద్రం ప్రభుత్వం ఆమోదం తెలిపింది. ఈనెల 30న సీఎస్ విజయానంద్ పదవీ విరమణ చేయాల్సి ఉంది. ఆయన పదవీ కాలాన్ని మరో మూడు నెలలు పెంచాలని కేంద్రానికి ప్రభుత్వం విజ్ణప్తి చేసింది. దీంతో విజయానంద్ పదవీ కాలాన్ని డిసెంబర్ 1 నుంచి 2026 ఫిబ్రవరి 28వరకు పొడిగిస్తూ కేంద్ర డిపార్టుమెంట్ ఆఫ్ పర్సనల్ అండ్ ట్రైనింగ్ (డిఓపిటి) ఉత్తర్వులు జారీ చేసింది. ఈ మేరకు రాష్ట్ర ప్రభుత్వానికి సమాచారం అందజేసింది.