మది దోచేలా 600 అడుగుల శ్రీ రాముడి విగ్రహం.. ఏపీలో ఎక్కడో తెలుసా..?

దిశ, వెబ్ డెస్క్: కడప జిల్లా(Kadapa District) ఒంటిమిట్ట ఆలయంపై టీటీడీ(TTD)తో పాటు ప్రభుత్వం ఫోకస్ పెట్టిన విషయం తెలిసిందే. అయితే ఆధ్యాత్మిక పర్యాటక హబ్‌గా అభివృద్ధి చేసేందుకు అధికారులు ప్రణాళికలు రూపొందించారు. ఇప్పటికే స్వామివారి ఆలయంలో నిత్య ప్రసాదానికి ఏర్పాటు చేశారు.

తాజాగా భక్తుల మది దోచేలా ఒంటిమిట్ట చెరువు మధ్యలో 600 అడుగుల శ్రీ రాముడి విగ్రహం(Rama Statue) ఏర్పాటు చేయాలని నిర్ణయించారు. ఈ విషయమై టీటీడీ ఉన్నతాధికారులకు విజయవాడ(Vijayawada)కు చెందిన స్కూల్ ఆఫ్ ప్లానింగ్ అండ్ ఆర్కిటెక్చర్ నిపుణులు(School of Planning and Architecture experts) సమగ్ర నివేదికను అందజేశారు. ఈ మేరకు త్వరలోనే శ్రీ రాముడి విగ్రహం ఏర్పాటు పనులు ప్రారంభమయ్యే అవకాశాలు కనిపిస్తున్నాయి.