జనసేనలో వర్గ విభేదాలు... ఫ్లెక్సీ విషయంలో కొట్టుకున్న రెండు వర్గాలు

దిశ, వెబ్ డెస్క్: కృష్ణా జిల్లా కంకిపాడు(Kankipadu)లో ఉద్రిక్తత చోటు చేసుకుంది. జనసేన(Janasena)లో భగ్గుమన్న విభేదాలతో పార్టీ నాయకులు రెండు వర్గాలు(Two Groups)గా విడిపోయి పరస్పరం దాడులు చేసుకున్నారు. కంకిపాడులో ఆదివారం జనసేన సభ్యత్వ నమోదు(Jana Sena membership registration) కార్యక్రమం ఆ పార్టీ నేతలు నిర్వహించారు. అయితే ఈ సందర్భంగా ఫ్లెక్సీలు ఏర్పాటు చేశారు. దీంతో సునీల్, స్వాతి వర్గీయుల మధ్య వివాదం తలెత్తింది. ఫ్లెక్సీల్లో తమ ఫొటోలు పెట్టలేదని స్వాతి వర్గం నిలదీసింది. ఈ క్రమంలో రెండు వర్గాల మధ్య వాగ్వాదం జరిగి పరస్పరం దాడులు చేసుకున్నారు. విషయం తెలుసుకున్న పోలీసులు రెండు వర్గాలను చెదరగొట్టారు. దీంతో రెండు వర్గాలు అక్కడి నుంచి వెళ్లిపోయాయి. తమ అనుమతులు లేకుండా ఎవరైనా ఫ్లెక్సీలు ఏర్పాటు చేస్తే చర్యలు తప్పవని పోలీసులు హెచ్చరించారు.