Nellore: లారీని ఢీకొట్టిన వంట నూనె ట్యాంకర్..లీకైన ఆయిల్..ఎగబడ్డ జనం

దిశ, డైనమిక్ బ్యూరో: నెల్లూరు జిల్లా మర్రిపాడు వద్ద ఘోర రోడ్డు ప్రమాదం జరిగింది. లారీని వంట నూనె ట్యాంకర్ ఢీకొట్టింది. ఈ ప్రమాదంలో ఎలాంటి ప్రాణ నష్టం జరగకపోయినప్పటికీ ఆయిల్ ట్యాంకర్ నుంచి ఆయిల్ లీకైంది. ట్యాంకర్ నుంచి వంట నూనె లీక్ అవుతుందని తెలుసుకున్న స్థానికులు అక్కడకు భారీగా తరలివచ్చారు. వంటనూనె కోసం ఎగబడ్డారు. దీంతో భారీగా ట్రాఫిక్ స్తంభించింది. ఈ విషయం తెలుసుకున్న పోలీసులు ఘటనా స్థలానికి చేరుకుని ట్రాఫిక్‌ను క్లియర్ చేశారు. ఈ ప్రమాదంలో ఆయిల్ ట్యాంకర్ ముందు భాగం ధ్వంసం అయింది.