Nellore: వ్యక్తి ఆత్మహత్యాయత్నం.. కాపాడిన పోలీసులు

దిశ నెల్లూరు: ఆత్మహత్య చేసుకోబోయిన వ్యక్తిని పోలీసులు కాపాడిన ఘటన నెల్లూరు జిల్లా బుచ్చిరెడ్డి పాలెంలో ఆదివారం చోటుచేసుకుంది. విషం తాగుతున్నట్లు వచ్చిన వీడియో చూసి వెంటనే అలెర్ట్ అయిన దిశ పోలీసులు నిమిషాల వ్యవధిలో సంఘటనా స్థలానికి చేరుకొని బాధితుడిని కాపాడారు. ఆత్మహత్య చేసుకోబోయిన సురేంద్ర మానసిక పరిస్థితి బాగోలేదని పోలీసులు తెలిపారు. స్థానిక ఆసుపత్రిలో సురేంద్ర చికిత్స పొందుతున్నాడని వెల్లడించారు. తమ కుమారుడి ప్రాణాలను కాపాడిన దిశ పోలీసులకు బాధితుడి తల్లి కృతజ్ఞతలు తెలిపారు.