మాజీ మంత్రి కాకాణికి షాక్.. బెయిల్ పిటిషన్‌పై మళ్లీ విచారణ వాయిదా

దిశ, వెబ్‌డెస్క్: క్వార్ట్జ్‌ అక్రమ మైనింగ్ కేసులో వైసీపీ నేత‌, మాజీ మంత్రి కాకాణి గోవ‌ర్ధన్ రెడ్డి (Kakani Goverdhan Reddy) అరెస్ట్ అయిన విషయం విదితమే. అయితే, తనపై నమోదైన కేసులో బెయిల్ మంజూరు చేయాలని కోరుతూ.. ఆయన నెల్లూరు ఐదో ఎస్సీ, ఎస్టీ అదనపు కోర్టులో పిటిషన్ దాఖలు చేశారు. ఆ పిటిషన్‌పై ఈ నెల 3న విచారణ చేపట్టిన కోర్టు తదుపరి విచారణను ఇవాళ్టి వాయిదా వేసింది. ఇవాళ కూడా మరోసారి కేసులో వాదోపవాదాలు విన్న మెజిస్ట్రేట్ విచారణను ఈ నెల 9కి వాయిదా వేస్తున్నట్లుగా ప్రకటించారు. అదేవిధంగా ఇదే కేసులో కాకాణిని కస్టడీకి ఇవ్వాలంటూ పోలీసులు దాఖలు చేసిన పిటిషన్‌పై ఇవాళ సాయంత్రానికి తీర్పు వెలువడే అవకాశం ఉంది.