Pavan Kalyan: దమ్కీలకు భయపడేది లేదు.. డిప్యూటీ సీఎం పవన్ మాస్ వార్నింగ్

దిశ, వెబ్‌డెస్క్: దమ్కీలకు ఎట్టి పరిస్థితుల్లో భయపడేది లేదని ఏపీ డిప్యూటీ సీఎం పవన్ కళ్యాణ్ (Deputy CM Pawan Kalyan) అన్నారు. ఇవాళ మహారాష్ట్ర (Maharastra) అసెంబ్లీ ఎన్నికల సందర్భంగా ఆయన మహాయుతి (Mahayuthi) కూటమి గెలుపు కోసం డెగ్లూర్‌ (Deglure)లో ప్రచారంలో పాల్గొన్నారు. ఈ సందర్భంగా ఆయన మాట్లాడుతూ.. ఛత్రపతి శివాజీ మహరాజ్ (Chathrapathi Shivaji Maharaj) నడిచిన నేలపై తాము ఎవరికీ భయపడేది లేదన్నారు. సనాతన ధర్మ (Sanathan Dharma) పరిరక్షణే జనసేన (Janasena) లక్ష్యమని అన్నారు.

సినిమాల్లో పోరాటాలు చేయడం, గొడవ పెట్టడం చాలా ఈజీ అని.. నిజ జీవితంలో ధర్మం కోసం కొట్లాడటం, నిలబడటం చాలా కష్టమని తెలిపారు. దేశంలో ప్రతి హిందువు గుండెలో రామనామం లేకుండా ఉండదని అన్నారు. హిందువులంతా ఏకమైతే.. హైదరాబాద్ నుంచి దేశాన్ని విచ్ఛినం చేసేందుకు వచ్చే వాళ్లు ఎంత అంటూ ఒవైసీ సోదరులను ఉద్దేశించి ఆయన హాట్ కామెంట్ చేశారు. ఛత్రపతి శివాజీ నడిచిన నేలలో ఎలాంటి దమ్కీలకు భయపడేది లేదని మజ్లిస్ పార్టీ నేతలకు పవన్ మాస్ వార్నింగ్ ఇచ్చారు.