Pawan kalyan: ఒకప్పుడు చెట్టే మన అడ్రస్.. మళ్లీ ఆ పరిస్థితి రావాలి.. ఉప ముఖ్యమంత్రి పవన్​కల్యాణ్​

దిశ, డైనమిక్ ​బ్యూరో : చెట్టు మనకు ఆధారం.. చెట్లు ఆనవాళ్లు.. అని ఉప ముఖ్యమంత్రి పవన్​కల్యాణ్​పేర్కొన్నారు. అమరావతి, తుళ్ళూరు మండలం, అనంతవరం గ్రామంలో ప్రపంచ పర్యావరణ దినోత్సవం (Environment Day) సం దర్భంగా ముఖ్యమంత్రి చంద్రబాబు నాయుడు, ఉప ముఖ్యమంత్రి పవన్ కళ్యాణ్ మొక్కలు నాటి నీరు పోశారు. ఈ సందర్భంగా ఏర్పాటుచేసిన స్టాల్స్ ను వారిద్దరు పరిశీలించారు. ఈ సందర్భంగా ఆయన మాట్లాడుతూ నల్లమల అటవీ పరిర క్షణకు పనిచేస్తున్న కొమెర అంకారావు సేవలను ఆయన కొనియాడారు. కనీసం నేను కోటి మొక్కలు నాటితే నాకు ఇక్కడ మాట్లాడే అర్హత వస్తుందన్నారు. నాకు ప్రస్తుతానికి ఆ అర్హత లేదన్నారు. వ‌చ్చే ఏడాదికి నేను అంకారావు మాదిరిగా చెట్లు నాటి ప‌ర్యావ‌ర‌ణం మీద సాధికారికంగా ప్రసంగిస్తాను అన్నారు. .ఒక‌ప్పుడు చెట్టే అడ్రస్​.. ఎవ‌రైనా ఇళ్ల అడ్రస్​ చెప్పేట‌ప్పు్డు మా ఇంటి ముందు గోరింటాకు చెట్లుంద‌ని, బిళ్ల గ‌న్నేరు చెట్టుంద‌ని ఇలా చిరునామా చెప్పే వాళ్లం. ఇప్పుడు చెట్టు కు అడ్రస్​ క‌రువ‌వుతోంది. ఆ ప‌రిస్థితిని సీఎం చంద్రబాబునాయుడు మార్గదర్శకంలో మార్చాల‌ని భావిస్తున్నాను అని ఆయన పేర్కొన్నారు.

తొలుత అక్కడ ఏర్పాటు చేసిన స్టాల్స్​ను పరిశీలించారు. పండ్లు, హ్యాండ్లూమ్ , పొట్టు వంటి ప‌లు ర‌కాల వేస్ట్‌ల‌తో త‌యారు చేసిన ప‌లు ఉత్పత్తుల స్టాల్స్‌ను సీఎం చంద్రబాబు, డిప్యూటీ సీఎం ప‌వ‌న్ క‌ళ్యాణ్‌లు ప‌రిశీలించారు. తిరుమ‌ల శేషా చ‌లం అడ‌వుల్లో ల‌భించే ఎర్ర చంద‌నం చాలా విలువైంద‌ని, ఫారెస్ట్ డిపార్ట్​మెంట్​ వ‌ద్ద అప్పట్లో ఉన్న ఎర్రచందనం విలువ ల‌క్ష కోట్లకు పైగా అంచ‌నా వేస్తే .. అది ఎక్కడో మిస్సయిందని సీఎం అన్నారు. ఈ సంద‌ర్భంగా సీఎం చంద్రబాబు ప్రతి స్టాల్ నిల‌బ‌డి ఆ ఉత్పత్తులను ఆస‌క్తిగా ప‌రిశీలించారు. ఈ సంద‌ర్భంగా పిచ్చుక గూళ్ల కోసం రూపొందించిన కుండ‌ల‌పై ఆయ‌న ఆస‌క్తి చూపారు. పిచ్చుక‌ల సంతానోత్పత్తి కోసం రూపొందించిన వాటిని అన్ని న‌గ‌ర‌వనాలు, ప‌బ్లిక్ గార్డెన్స్‌ లో ఏర్పాటు చేయాల‌ని సీఎం సూచించారు. ఈ సంద‌ర్భంగా 142 ఏళ్ల వృక్షం గురించి ఫారెస్ట్ అధికారులు వివ‌రించిన‌ప్పుడు రాష్ట్రవ్యాప్తంగా వందేళ్లకు పైబ‌డిన వృక్షాల సంఖ్య గురించి సీఎం ఆరా తీశారు. ఆ వృక్షాల డేటాను సేక‌రించాల‌ని ఆయ‌న ఆదేశించారు.