తిరుపతిలో అద్భుతం.. రైతు పొలంలో శ్రీవారి పురాతన విగ్రహం

దిశ, వెబ్ డెస్క్: తిరుపతి(Tirupati) పేరు వినగానే గుర్తొచ్చేది తిరుమల పుణ్యక్షేత్రం(Tirumala Temple). ఈ ఆధ్యాత్మిక నగరంలో వెంకన్న(Vekanna) కొలువు దీరారు. దీంతో భక్తులు ఎప్పుడూ కిటకిటలాడుతుంటారు. గోవింద నామ స్మరణతో ప్రతినిత్యం శ్రీవారి(Srivaru) ఆలయం మారుమోగిపోతుంటుంది. ఎంతటి కష్టమొచ్చినా శ్రీవారిని దర్శించుకుంటే వచ్చే భాగ్యమే వేరని భక్తులు చెబుతుంటారు. అయితే ఈ టెంపుల్ సిటీలో ఈ రోజు మహాద్భుతం జరిగింది. శ్రీవారు స్నానం చేసిన నామాల కాలువ దగ్గర ఉన్న ఓ రైతు పొలంలో పురాతన విగ్రహం బయటపడింది. అయితే విగ్రహంపై స్పష్టంగా స్వామివారి పాదాలు కనబడుతున్నాయి. పద్మావతి అమ్మవారిని కళ్యాణమాడిన శ్రీనివాసుడు రామచంద్రాపురం మండలం నడవలూరు నెన్నూరు పంచాయతీల మధ్య ఉన్న కాలువ దగ్గర స్నానం చేసి నామాలు ధరించారని భక్తుల నమ్మకం.