Breaking:కడపలో కూలిన మహానాడు టీడీపీ కటౌట్లు.. వీఆర్వోకు గాయాలు

దిశ,వెబ్‌డెస్క్: వైఎస్‌ఆర్ కడప జిల్లాలో రేపు జరగనున్న టీడీపీ మహానాడుకు సర్వం సిద్ధమైంది. ఈ ప్రతిష్టాత్మక కార్యక్రమానికి సంబంధించిన ఏర్పాట్లు శరవేగంగా పూర్తయ్యాయి. కడప నగరం మొత్తం పసుపు తోరణాలు, పార్టీ జెండాలు, ఫ్లెక్సీలతో నిండిపోయి, పండుగ వాతావరణాన్ని తలపిస్తోంది. మహానాడు సభ ప్రాంగణం మొత్తం భారీ కటౌట్లతో పసుపు మయమైంది.

ఈ క్రమంలో కడప(Kadapa District)లో వాతావరణం ఒక్కసారిగా చల్లబడింది. దీంతో భారీ ఈదురుగాలులు బీభత్సం సృష్టించాయి. కడపలో భారీగా ఈదురుగాలులకు టీడీపీ(TDP) మహానాడు ప్రాంగణంలో కటౌట్లు కిందపడిపోయాయి. ఈ క్రమంలో ప్రాంగణంలో ఉన్న అట్లూరు వీఆర్వోకు కటౌట్ పడి గాయాలు అయ్యాయి. వైఎస్‌ఆర్‌ కడప జిల్లాలో గత రెండు రోజుల నుంచి విస్తారంగా వర్షాలు కురుస్తున్నాయి. ఈ సాయంత్రం కడపకు సీఎం చంద్రబాబు, మంత్రి నారా లోకేష్ వెళ్లనున్నారు.