Lokesh: డీఎస్సీపై లోకేశ్ ​మరోసారి క్లారిటీ.. ఏమన్నారంటే

దిశ, డైనమిక్ బ్యూరో : డీఎస్సీ నిర్వహణపై మంత్రి నారా లోకేశ్​ మరోసారి క్లారిటీ ఇచ్చారు. ఎన్నికల కోడ్ పూర్తయిన వెంటనే డిఎస్సీ నోటిఫికేషన్ ఇస్తాం, అది కూడా పారదర్శకంగా నిర్వహిస్తామని వెల్లడించారు. శాసనమండలిలో ఈ రోజు ఆయన మాట్లాడుతూ డీఎస్సీ నిర్వహణకు ఇప్పటికే టెట్​జరిపామన్నారు. కొన్ని సాంకేతిక కారణాలతో డీఎస్సీ పోస్ట్ పోన్ అయిందన్నారు. ఎన్నికల కోడ్ పూర్తయిన వెంటనే 16387 పోస్టులను భర్తీ చేస్తామన్నారు. ఈ అకడమిక్ ఇయర్ కే కొత్త ఉపాధ్యాయులను నియమిస్తామన్నారు. శాసనమండలి సాక్షిగా చెప్తున్నా.. ఏప్రిల్ లేదా మే నెలలో తల్లికి వందనం, అన్నదాత సుఖీభవ పథకాలు అమలు చేస్తాం. ఇచ్చిన ప్రతి హామీకి కట్టుబడి ఉన్నామని ఐటీ శాఖ మంత్రి నారా లోకేశ్​స్పష్టం చేశారు. తన యువగళం పాదయాత్రలో ప్రజల సమస్యలను తెలుసుకున్నానన్నారు. పేదరికం లేని ఆంధ్ర రాష్ట్రమే ఎన్డీఏ లక్ష్యమని తెలిపారు. అన్ని ప్రాంతాలు అభివృద్ధి చెందాలని లక్ష్యంతో ప్రభుత్వం పని చేస్తుందన్నారు. ఇచ్చిన ప్రతి హామీకి కట్టుబడి ఉన్నామని తెలిపారు.