‘కచ్చితంగా పోటీ చేస్తా.. ఎక్కడి నుంచి అనేది చంద్రబాబును అడగండి’

దిశ, వెబ్‌డెస్క్: ఎన్నికల్లో పోటీపై కీలక నేత, నరసాపురం ఎంపీ రఘురామ కృష్ణంరాజు కీలక వ్యాఖ్యలు చేశారు. శుక్రవారం తూర్పుగోదావరి జిల్లా పర్యటనలో ఉన్న చంద్రబాబును రఘురామ కృష్ణంరాజు కలిశారు. ఈ సందర్భంగా ఆయన మాట్లాడుతూ.. ఎన్నికల్లో పోటీ చేస్తాననే విశ్వాసం తనకు ఉందని అన్నారు. ఎక్కడి నుంచి పోటీ చేస్తానో ఇంకా క్లారిటీ రాలేదని.. ఆ విషయంలో ఎవరికైనా సందేహాలు ఉంటే నేరుగా చంద్రబాబునే అడగండి అని తెలిపారు. చంద్రబాబుతో జరిపిన చర్చల వివరాలు మాత్రం రఘురామ బయటకు చెప్పలేదు. మరోవైపు పాలకొల్లు సభలో చంద్రబాబు సమక్షంలో రఘురామ టీడీపీ తీర్థం పుచ్చుకోబోతున్నాడని ఆయన అనుచరుల ద్వారా తెలిసింది.