అరవ శ్రీధర్ వ్యవహారంపై అన్ని కోణాల్లో విచారణ: శివశంకర్

దిశ, వెబ్ డెస్క్: రైల్వే కోడూరు ఎమ్మెల్యే అరవ శ్రీధర్(Railway Kodur MLA Arava Sridhar) వ్యవహారంపై అన్ని కోణాల్లో విచారణ కొనసాగుతోందని విచారణ జనసేన కమిటీ సభ్యుడు శివశంకర్(Jana Sena Committee Member Siva Shankar) తెలిపారు. శ్రీధర్‌తో పాటు 50 మందిని ఇప్పటికే ఈ ఇష్యూలో విచారించామని ఆయన పేర్కొన్నారు. విచారణలో చాలా కీలక విషయాలు తెలిశాయన్నారు. ఇందులో కుట్ర కోణం ఉందనే అనుమానం కలుగుతోందని చెప్పారు. వైసీపీ నేతల పాత్ర ఏ మేరకు ఉందనేది విచారిస్తున్నామని తెలిపారు. ఈ కేసులో ఇప్పటికే కీలకమైన ఆధారాలను సేకరించామని, బాధితురాలు వీణ సీల్డ్ కవర్‌లో వివరాలు పంపారని శివశంకర్ పేర్కొన్నారు.