Ips అధికారి సంజయ్‌కు దెబ్బ మీద దెబ్బ.. రెండు రోజుల కస్టడీకి అనుమతి

దిశ, వెబ్ డెస్క్: Ips అధికారి సంజయ్‌(IPS officer Sanjay)కు దెబ్బ మీద దెబ్బ తగిలింది. రెండు రోజుల కస్టడీ(Custody)కి విజయవాడ ఏసీబీ కోర్టు(Vijayawada ACB Court) అనుమతి ఇచ్చింది. ప్రభుత్వ నిధుల దుర్వినియోగం కేసులో మరింత లోతు విచారణ చేయాలని, ఈ మేరకు కస్టడీకి ఇవ్వాలని ఏసీబీ అధికారులు(ACB officials) కోర్టులో పిటిషన్ దాఖలు చేశారు. ఈ పిటిషన్‌పై విచారణ చేపట్టిన ధర్మాసనం.. ఐపీఎస్ అధికారి సంజయ్‌ను రెండు రోజుల పాటు కస్టడీకి ఇస్తూ ఏసీబీ కోర్టు ఆదేశాలు జారీ చేసింది.

అయితే అంతకుముందు సంజయ్‌కు ఇదే కోర్టులో బిగ్ షాక్ తగిలింది. తన రిమాండ్ గడువును ఈ నెల 23 వరకు పొడిగిస్తూ ఉత్తర్వులు జారీ చేసింది. దీంతో ఆయనను జైలుకు తరలించారు. గతంలో సంజయ్ బెయిల్ రద్దు కావడంతో ఆయనను జుడీషియల్ రిమాండ్ కు తీసుకున్నారు. తాజాగా రిమాండ్ పొడిగించడం, అలాగే కస్టడీకి ఇవ్వడం రెండు జరగడంతో ఈ రోజే ఆయనకు వరుస దెబ్బలు తగిలాయి.