ఎన్టీఆర్ జిల్లా జూపూడి వద్ద తీవ్ర ఉద్రిక్తత.. దేవినేని అవినాశ్ అరెస్ట్

దిశ, డైనమిక్ బ్యూరో: ఎన్టీఆర్ జిల్లా జూపూడి వద్ద తీవ్ర ఉద్రిక్త వాతావరణ నెలకొంది. మాజీ మంత్రి జోగి రమేష్ నివాసానికి వెళ్లేందుకు వైసీపీ జిల్లా అధ్యక్షుడు దేవినేని అవినాశ్, మొండితోక జగన్మోహన్ రావు, పార్టీ శ్రేణులు ప్రయత్నించాయి. ఈ క్రమంలోనే ఇబ్రహీంపట్నం జూపూడి వద్ద పోలీసులు వారిని అడ్డుకున్నారు. ఈ మేరకు పోలీసులకు, కార్యకర్తలకు మధ్య తోపులాట, వాగ్వివాదం చోటుచేసుకుంది. దీంతో దేవినేని అవినాశ్, పలువురు పార్టీ నేతలను పోలీసులు అరెస్ట్ చేసి భవానీపురం పోలీస్ స్టేషన్‌కు తరలించినట్లు సమాచారం. జోగి రమేశ్ కుటుంబ సభ్యులను పరామర్శించేందుకు వెళ్తుంటే పోలీసులు అడ్డుకోవడం సరికాదని ఈ సందర్భంగా వైసీపీ నేతలు మండిపడ్డారు.