హరిహర వీరమల్లు రిలీజ్.. థియేటర్లో సందడి చేసిన ఎమ్మెల్యే చిర్రి బాలరాజు
ఏపీ డిప్యూటీ సీఎం పవన్ కల్యాణ్ హీరోగా నటించిన భారీ బడ్జెట్ సినిమా హరిహర వీరమల్లు సినిమా ఈ రోజు ప్రపంచ వ్యాప్తంగా విడుదల కానుంది.
దిశ, వెబ్ డెస్క్: ఏపీ డిప్యూటీ సీఎం పవన్ కల్యాణ్ హీరోగా నటించిన భారీ బడ్జెట్ సినిమా హరిహర వీరమల్లు (Harihara Veeramallu) సినిమా ఈ రోజు ప్రపంచ వ్యాప్తంగా విడుదల కానుంది. అయితే ప్రభుత్వ అనుమతులతో ముందస్తుగా తెలుగు రాష్ట్రాలతో పాటు ఓవర్సిస్ లో ఈ సినిమా ప్రీమియర్ షోలు (premiere show) నిన్న రాత్రి నుంచి మొదలయ్యాయి. పవన్ హీరోగా దాదాపు ఐదేళ్ల తర్వాత పూర్తి స్థాయి సినిమా వస్తుండటంతో ఆయన అభిమానుల్లో తీవ్ర ఉత్కంఠ నెలకొంది. అలాగే ఈ సినిమా ట్రైలర్, సాంగ్స్, డైలాగ్స్ హిట్ కావడంతో.. సినిమాపై భారీ అంచనాలు నెలకొన్నాయి. దీంతో ఈ సినిమాను చూసేందుకు అభిమానులు వందలాదిగా థియేటర్లకు ఎగబడ్డారు. దీంతో తెలుగు రాష్ట్రాల్లోని అన్ని థియేటర్ల వద్ద పవన్ అభిమానులతో పండుగ వాతావరణం నెలకొంది. ఈ క్రమంలోనే ఏలూరు జిల్లా జంగారెడ్డిగూడెంలో థియేటర్ల వద్ద పవన్ కళ్యాణ్ ఫ్యాన్స్ సంబరాలు చేసుకున్నారు. పోలవరం జనసేన ఎమ్మెల్యే చిర్రి బాలరాజు (MLA Chirri Balaraju) కూడా ఓ అభిమానిగా థియేటర్ వద్ద సందడి చేశాడు. పవన్ కళ్యాణ్ చిత్రపటానికి పాలాభిషేకం చేసి కేక్ కట్ చేసిన బాలరాజు సంబరాలు చేసుకున్నాడు. అలాగే ఎమ్మెల్యే ఆధ్వర్యంలో జనసైనికులకు, పవన్ అభిమానులకు హరిహర వీరమల్లు సినిమాను ఉచితంగా ప్రదర్శించారు.
Read More..
