Breaking: నారా లోకేశ్ ఊరట.. సీఐడీకి హైకోర్టు కీలక ఆదేశాలు

దిశ, వెబ్ డెస్క్: టీడీపీ జాతీయ ప్రధాన కార్యదర్శి నారా లోకేశ్‌కు ఊరట లభించింది. ఏపీ హైకోర్టులో స్కిల్ డెవలప్‌మెంట్ కేసు విచారణ జరిగింది. అక్టోబర్ 4 వరకు లోకేశ్‌ను అరెస్ట్ చేయవద్దని పోలీసులను హైకోర్టు ఆదేశించింది. విచారణను వచ్చే బుధవారానికి వాయిదా వేసింది. కాగా ఈ స్కిల్ డెవలప్ మెంట్ కేసు, ఫైబర్ గ్రిడ్ కేసుల్లో ముందస్తు బెయిల్ ఇవ్వాలని లోకేశ్ తరఫున హైకోర్టులో పిటిషన్ దాఖలు అయింది. ఈ పిటిషన్‌పై విచారణ చేపట్టిన ధర్మాసనం ఇరువర్గాల వాదన విని కీలక ఉత్తర్వులు ఇచ్చింది. మరోవైపు ఏపీ మాజీ ముఖ్యమంత్రి చంద్రబాబు నాయుడు స్కిల్ డెవలప్‌మెంట్ కేసులో అరెస్టైన విషయం తెలిసింది. ప్రస్తుతం ఆయన రాజమండ్రి సెంట్రల్ జైలులో రిమాండ్ ఖైదీగా ఉన్నారు.