నరసరావుపేటకు డిప్యూటీ సీఎం.. భద్రత కట్టుదిట్టం

దిశ, నరసరావుపేట: ఆంధ్రప్రదేశ్ ఉపముఖ్యమంత్రి పవన్ కల్యాణ్ ఈ నెల 22న నరసరావుపేటకు పర్యటించనున్నారు. పర్యటనలో భాగంగా ముందుగా కోటప్పకొండ త్రికోటేశ్వర స్వామిని దర్శించుకోనున్నారు. అనంతరం కోటప్పకొండ నుంచి కొత్తపాలెం వరకు వెళ్లే రహదారిని అధికారికంగా ప్రారంభోత్సవం చేయనున్నారు. ఈ రహదారి ప్రారంభంతో పరిసర గ్రామాల ప్రజలకు రవాణా సౌకర్యం మరింత మెరుగుపడనుంది. డిప్యూటీ సీఎం పర్యటనకు సంబంధించి స్థానిక అధికారులు, పార్టీ నాయకులు ఏర్పాట్లు ముమ్మరంగా చేపట్టారు. భద్రతా ఏర్పాట్లు కూడా కట్టుదిట్టంగా కొనసాగుతున్నాయి.