మళ్లీ పోలీస్ కస్టడీకి మాజీ మంత్రి.. మరో రెండు రోజులపాటు విచారణ

దిశ, వెబ్ డెస్క్: మాజీ మంత్రి కాకాణి గోవర్ధన్ రెడ్డి(Former Minister Kakani Govardhan Reddy)ని పోలీసులు కస్టడీ(Custody)కి తీసుకున్నారు. అక్రమ టోల్ గేట్ కేసులో ఆయనపై కేసు నమోదు అయిన విషయం తెలిసిందే. అయితే ఈ కేసులో మరింత విచారణ కోసం కస్టడీకి ఇవ్వాలని పోలీసులో కోర్టులో పిటిషన్ దాఖలు చేశారు. ఈ పిటిషన్‌పై విచారించిన కోర్టు పోలీస్ కస్టడీకి అనుమతించింది. ఈ మేరకు కాకాణి(Kakani Govardhan Reddy)ని ఈ రోజు, మంగళవారం విచారించనున్నారు. నెల్లూరు పోలీస్ ట్రైనింగ్ సెంటర్‌(Nellore Police Training Center)లో ఆయనను విచారించనున్నారు. ఇందుకోసం ఇప్పటికే ఏర్పాట్లు పూర్తి చేశారు. క్వార్ట్జ్ అక్రమ తవ్వకాల కేసులోనూ ఆయనను కస్టడీకి తీసుకుని విచారించారు. ప్రస్తుతం ఈ కేసులోనూ ఆయనను పోలీసులు మరింత విచారించనున్నారు.