Janasena party office:జనసేన పార్టీ కార్యాలయంలో అగ్నిప్రమాదం

దిశ,వెబ్‌డెస్క్: జనసేన పార్టీ(Janasena Party)కి ఊహించని ఎదురు దెబ్బ తగిలింది. ఈ రోజు(శుక్రవారం)ఉదయం జనసేన పార్టీ ఆఫీస్‌లో అగ్నిప్రమాదం చోటు చేసుకుంది. వివరాల్లోకి వెళితే.. విశాఖలోని గోపాలపట్నం ఇంద్రనగర్‌లోని జనసేన పార్టీ కార్యాలయంలో ఒక్కసారిగా మంటలు చెలరేగాయి. ఈ ప్రమాదాన్ని గుర్తించిన స్థానికులు వెంటనే అగ్నిమాపక సిబ్బందికి సమాచారం ఇచ్చారు. ఈ క్రమంలో సంఘటన స్థలానికి చేరుకున్న ఫైర్ సిబ్బంది మంటలను అదుపు చేశారు. ఎలాంటి ఆస్తి నష్టం జరగకుండా కాపాడారు. ఈ ఘటనపై పోలీసులు కేసు నమోదు చేసుకుని దర్యాప్తు చేపట్టారు. జనసేన పార్టీ ఆఫీస్‌లో అగ్నిప్రమాదంకు సంబంధించి పూర్తి వివరాలు తెలియాల్సి ఉంది.