సీఎం జగన్ కీలక ఆదేశాలు.. రూ. 25 లక్షల వరకూ చికిత్స ఉచితం

దిశ, వెబ్ డెస్క్: వైఎస్సార్‌ ఆరోగ్యశ్రీ కింద రూ. 25 లక్షల వరకూ చికిత్స ఉచితంగా అందిస్తారని సీఎం జగన్ మోహన్ రెడ్డి తెలిపారు. వైఎస్సార్ ఆరోగ్యశ్రీపై ఆయన సమీక్ష నిర్వహించారు. ఈ సందర్భంగా సీఎం జగన్ మాట్లాడుతూ ఈనెల 18 నుంచి వైఎస్సార్‌ ఆరోగ్యశ్రీ కింద రూ. 25 లక్షల వరకూ చికిత్స ఉచితంగా అందించాలని అధికారులను ఆదేశించారు. ‘ఆంధ్రప్రదేశ్‌లో ఇది చరిత్రాత్మక నిర్ణయం.. ఆరోగ్యం, విద్య ప్రజలకు ఒక హక్కుగా లభించాలి.. ఈ హక్కులను కాపాడటం ప్రభుత్వ బాధ్యత. అధికారంలోకి వచ్చిన రోజు నుంచే ఈ అంశాలపై విశేష కృషి చేశాం. వైఎస్సార్‌ ఆరోగ్యశ్రీ కింద ప్రభుత్వం చేస్తున్న ఖర్చులే దీనికి ఉదాహరణ. ఆరోగ్య శ్రీ కింద రూ.25 లక్షల వరకూ ఉచిత చికిత్స కార్యక్రమాన్ని చేపట్టాం.’ అని సీఎం జగన్‌ పేర్కొన్నారు.